Akuzat ndaj Majlinda Andreas, dëshmon oficeri i policisë gjyqësore, të dyshuar ishin dhe 3 gjyqtarë

gjykata-e-lart-majlinda-andrea

Oficeri i policisë gjyqësore, i cili ka referuar në prokurori rastin e korrupsionit në Gjykatën e Lartë ku ishte e përfshirë gjyqtarja Majlinda Andrea dhe bashkëshorti i saj, nuk ka pranuar të tregojë në gjykatë emrin e personit që e kishte informuar. Sipas dëshmitarit, ligji nuk e detyronte ta bënte një gjë të tillë. Gjyqi ndaj gjyqtares së Gjykatës së Lartë, Majlinda Andrea, tashmë e pezulluar nga detyra, vazhdoi me pyetjen e dëshmitarëve të mbrojtjes. I pari që doli para trupit gjykues ishte oficeri i policisë gjyqësore, Petrit Gjeçaj, i cili ka referuar në Prokurorinë e Krimeve te Rënda informacionin, nga i cili nisi hetimi për korrupsion ndaj gjyqtares. Ky i fundit u vu përballë avokatëve të mbrojtjes, të cilët kërkuan të tregonte emrin e informatorit që i kishte dhënë të informacionin për rastin. Por Gjeçi ka deklaruar se ligji e pengonte ta kryente një veprim të tillë. “Në bazë të ligjit nuk kam me detyrim ta tregoj emrin e informatorit, por nëse gjykata do të vlerësojë se për interesa madhore duhet ta bëj, atëherë shprehuni me vendim”, ka deklaruar në seancë dëshmitari. Burime pranë Gjykatës ë Lartë bëjnë me dije se, oficeri Gjeçaj u shpreh përballë gjykatësve se kishte informacion fillestar për këtë aferë, ku dyshohej se ishin përfshirë 3 gjyqtarë, 1 zyrtar i lartë dhe 3 avokatë, por hetimet dhe përgjimet e mëpasshme nuk mblodhën prova që do t’i përfshinin këta të fundit. Të dhënat implikuan vetëm gjyqtaren e Lartë, Majlinda Andrea, e cila akuzohet se ka kryer korrupsion, ndërsa dyshohet se është paguar përmes bashkëshortit nga të dyshuarit e tjerë, për dhënien e një vendimi civil në Butrint. Nga ana tjetër, trupi gjykues pasi u tërhoq për vendim, vendosi të mos e lejojë dëshmitarin të tregojë emrin e informatorit, gjë që ngjalli edhe debat në seancë mes avokatëve dhe dëshmitarit. Më pas seanca vijoi me pyetjen e dëshmitarëve të tjerë të mbrojtjes. Ndërsa gjykata vendosi të shprehet në seancën e radhës për ndryshimin e masës për një nga të pandehurit, Ilia Çabiri, i cili kërkon ndryshimin e masës së sigurisë për shkak të gjendjes jo të mirë shëndetësore.

Shkruar Nga
More from Revista User

Pas Las Vegasit rishfaqet debati mbi armëmbajtjen

Një javë pas masakrës më të rëndë me armë zjarri në historinë...
Read More