Politika

Alfred Moisiu: Personaliteti i 10-vjetorit të Mapo






               Publikuar në : 18:39 - 29/12/16 |
mapo.al

mojsiu6


Ish-presidenti 87-vjeçar rrëfen pesë jetët e tij, pse kryetari i vetëm konsensual i shtetit shqiptar peshon ende në jetën publike 10 vjet pasi mbaroi mandatin me shumë dinjitet

Në Shqipëri pak njerëz mund të kenë pasur dakordësinë politike që pati rreth vetes Alfred Moisiu, kur u zgjodh president në 2002. Ai është edhe sot ish-presidenti i vetëm konsensual dhe po ashtu i vetmi që qe “mbi palët” qoftë edhe për shkak të mënyrës se si ai u zgjodh, por edhe më shumë të asaj se si u soll me institucionin që mori përsipër të drejtonte.

Në një intervistë për revistën, presidenti flet për rrënjët, për të tashmen politike dhe ato që e shqetësojnë për të ardhmen. Ai është një 87-vjeçar i shqetësuar për rininë, zgjedhjet e të cilës i sheh me skepticizmin dhe gjykimin që kanë brezat ndaj njëri-tjetrit. Mbetet po ashtu një President në shqetësimet e tij për politikën, përçudnimin e saj apo qëndrimit për Reformën në Drejtësi e besimit që ruan se kjo mund të jetë strumbullari i ndryshimit të vendit.

Gjyqësori është strumbullari i ndryshimeve edhe në qoftë se do të kemi ndryshime, nuk do t’i kemi nga partitë dhe individët, por nga rregullimi i sistemit gjyqësor”, thotë ai.

Ushtarak i karrierës që e veshi uniformën që në adoleshencë, Moisiu është ndër të paktët në politikën shqiptare për të cilin ka vlerësim në të dy krahët. Ai është po ashtu një prej njerëzve që kanë lënë gjurmë të forta në jetën e vendit, duke qenë i pari president që mbikëqyri një tranzicion paqësor pushteti dhe po ashtu një president që iu qëndroi me forcë presioneve të ekzekutivit për të shtënë në dorë pjesë të tjera të pushtetit.

Pasardhës i një familjeje me mbiemër të madh, Alfred Moisiu ka marrë përsipër edhe këtë peshë, duke qenë në historinë e Shqipërisë një tjetër Moisi i rëndësishëm, një njeri i dialogut dhe respektit politik dhe prej kësaj, një ndër të paktët në këtë dekadë të fundit, fjala e të cilit mund të dëgjohet pa biasin e të qenit palë.



Pas