Analiza speciale e supersfidës: Bajerni “kryeson” 2-1 ndaj Realit

Sot do të luhet akti i parë midis Bajernit dhe Realit për gjysmë- finalen e Champions-it. Por cilat janë avantazhet dhe disavantazhet e skuadrave? Këtë e kanë analizuar specialistët e gazetës “Tz”.

Ronaldo kundër Humels dhe Boateng, Toni Kros kundër Hames Rodrigez dhe Levandovski kundër Ramosit. Dueli i gjigantëve eruopianë do të prodhojë pa dyshim duele interesante në përballjen e tyre.

PORTIERT

Bajerni– Lojtari i vitit te bavarezët është pa dyshim Sven Ulraish, portieri zëvendësoi Manuel Nojerin të dëmtuar që në tetorin e vitit të kaluar. Po në Champions portieri ka pësuar 11 gola në 11 ndeshje të luajtura.

Reali- Kejlor Navas ka 33 ndeshje me madrilenët në Champions dhe ka presuar 29 gola në triumfet e 2016-ës dhe 2017-ës, kur mbrojti portën e Realit. Por skuadra e Zidanit ka kohë që kërkon të ketë pjesë të saj portierin David De Gea të Mançester Junaitid. Por presidenti Perez i ka dhënë besim të plotë portierit aktual. Gjithsesi, Bajerni është më i avantazhuar.

MBROJTJA

Bajerni- “Kemi mbrojtjen më të mirë në Europë”, pati deklaruar sulmuesi Sandro Vagner disa kohë më parë, duke lavdëruar shokët e skuadrës Boateng dhe Humels. Ndaj Realit ata do të kenë edhe provën e vërtetë, pasi në përballjet fundit në Champions skuadra ka luajtur me kundërshtarë relativisht të lehtë.

Reali- Madrilenët pësuan 18 gola në 13 takime të luajtura në sezonin e kaluar. Ky ishte dhe një faktor kyç i fitores së titullit në fund. Në këtë sezon spanjollët kanë pësuar vetëm 12 gola. Por me rikthimin e kapitenit Serxhio Ramos, madrilenët do të jenë më të sigurt në repartin defensiv.

Mbrojtësi mungoi në ndeshjen e kthimit ndaj Juventusit në Madrid, ku Reali u mund 1:3, por u kualifikua pasi shënoi tri herë në Torino 3:0. Mbrojtja është e barabartë.

MESFUSHA

Bajerni- Mungesën e Arturo Vidalit do të jetë Havi Martinez lojtari që do ta zëvendësojë. Me një mesfushë të përbërë nga Hames Rodrigez dhe me Tomas Myler që do të luajë më përpara, sfida më e madhe është të ruajnë balancat gjatë ndeshjes.

Reali- Por me një Toni Kros në fushë dhe pranë tij Modriç dhe Kasemiro, do të jetë një mbrëmje jo e lehtë për bavarezët. Po të mendosh që Reali mund të luajë edhe me Bejl dhe Asensio në repartin e mesit të fushës. Por çuditërisht analistët mendojnë që edhe këtu barazim.

SULMI

Bajerni- “Kundër Arjen Roben, Frank Riberisë dhe Levandovskit është shumë e vështirë të mbrosh”, pati deklaruar mbrojtësi i Realit të Madridit Dani Karvahal pak ditë më parë. Në prill të 2013- ës Robert Levandovski shënoi katër herë në portën e Realit kur luante për Borusian e Dortmundit. Ndërsa në ndeshjet e luajtura me Bajernin, polaku ka shënuar nëntë herë në 19 takime të luajtura në fazën e eliminimeve.

Reali- Në krahun tjetër qëndron Kristiano Ronaldo. Një ndër golashënuesit më të mëdhenj të historisë është përsëri në formën e tij më të mirë dhe do të ndeshet ndaj Bajernit, skuadrës që i ka shënuar plot 7 herë në përballjet e fundit, edhe pse shoku i tij i skuadrës Karim Benzema ka shënuar vetëm dy gola, në ndeshjen ndaj Hapoel Nikosia në fazën e grupeve. Reali në avantazh të dukshëm.

TRAJNERI

Bajerni – “Jup Hejnkes është ‘El Zorro’”, patën shkruar mediat spanjolle për 72- vjeçarin. Në Champions, Hejnkes ka shkuar gjithmonë në finale, në sezonin 1998 kur fitoi Champions-in me Realin dhe në sezonin 2013, kur fitoi tripletën me Bajernin.

Reali – Zinedin Zidan u përqesh në fillim kur mori drejtimin e klubit. Por më pas fitoi dy herë rresht trofeun më të rëndësishëm për klube. Barazim.

FORMA

Bajerni- “Jemi në formë më të mirë se në vitin e kaluar”, ka thënë presidenti i bavarezëve, Uli Hënes. Bajerni është dominues ashtu si dhe në vitin e tripletës. Kjo falë edhe rrotacionit të shkëlqyer të trajnerit Hejnkes.

FORMA

Bajerni- “Jemi në formë më të mirë se në vitin e kaluar”, ka thënë presidenti i bavarezëve, Uli Hënes. Bajerni është dominues ashtu si dhe në vitin e tripletës. Kjo falë edhe rrotacionit të shkëlqyer të trajnerit Hjenkes.

/Panorama Sport

Shkruar Nga
More from Redaksia

Angela Merkel, Kancelare për herë të katërt

  Angela Merkel prej kohësh konsiderohet si gruaja më e fuqishme në...
Read More