Arrestohet inspektori i repartit “Shqiponja”, dekonspironte veprimet e Policisë

Një inspektor i policisë është arrestuar pasi akuzohet për dekonspirim të veprimeve të policisë. Në pranga është vënë shtetasi Engrid Hënaj, i cili ka bashkëpunuar me shtetasin F.L i arrestuar për vjedhje.

Policia sqaron se “Ky arrestim u bë i mundur pas një hetimi të përbashkët me Prokurorinë e Rrethit Gjyqësor Kavajë, duke aplikuar metoda speciale të hetimit, për veprën penale të “Shpërdorimit të detyrës” dhe “Përkrahje të autorit të krimit” parashikuar nga nenet 248 dhe 302 i Kodit Penal. Nga hetimi ka rezultuar se ky punonjës policie në disa raste ka bashkëpunuar me shtetasin F.L., i arrestuar për veprën penale të “Vjedhjes në bashkëpunim me shumë se një herë” parashikuar nga neni 134/2.”

SHÇBA ka siguruar prova se kundrejt marrjes së shumave të ndryshme të parave dhe favoreve të tjera, punonjësi i policisë, në shumë raste i jepte informacione mbi veprimet policore që kryheshin, shtetasit të mësipërm dhe personave të tjerë të implikuar ne veprimtari kriminale.

Vazhdojnë hetimet për implikimin e punonjësve të tjerë të Policisë të përfshirë

Shkruar Nga
More from Revista User

Katër ushtarë rusë vriten nga shpërthimi në Siri

Katër anëtarë të forcës ushtarake ruse në Siri raportohej të ishin vrarë...
Read More