Kronika

‘Askush të mos lëvizë’: Zbardhet dëshmia e Geldo Hotit për ngjarjen në ish-Bllok






               Publikuar në : 13:32 - 08/10/18 |
mapo.al

Gjykata për Krime të Rënda vendos masën ‘arrest me burg për 45 ditë’ për Geldo Hotin. Ai është ndaluar në tentativë për tu arratisur në Greqi, pas ngjarjes që ndodhi në ish-Bllok ku një person u vra dhe dy të tjerë u plagosën.


37-vjeçari është arrestuar mbrëmjen e 5 tetorit në Kakavijë në tentativën për t’u larguar nga Shqipëria. Sipas policisë, ai dyshohet të ketë qëlluar me armë zjarri gjatë përplasjes me armë mbrëmjen e 4 tetorit në një lokal në zonën e ish-Bllokut.

Ndërkohë, Fax News ka zbardhur dëshminë e dhënë nga ana e Geldo Hoti. Raportohet se Hoti është shprehur se ai nuk ka pasur asnjë dijeni për sherrin mes tyre. Madje ai thotë se është fshehur nën tavolinë në momentin kur dy persona kanë qenë duke e qëlluar.

“Nuk kam qëlluar askënd kur ishim në lokal me Ervin Matën, me Merviol Bilon dhe me Redi Popeskun. Ai na qerasi me një verë. Erdhën dy persona që nuk i njihja dhe thanë: Askush të mos lëvizë, dhe më pas nxorën armët. Në atë moment u futa poshtë tavolinës nga frika. Në Greqi ika se do merrja nje pajisje, por jo se do t’i fshihesha hetimit”, është shprehur Hoti.


Etiketa: , , ,

CLOSE
CLOSE
Pas