BE: Ekspertët e filluan punën për luftimin e lajmeve të rrejshme

Grupi i ekspertëve i nivelit të lartë i Komisionit Evropian për luftimin e lajmeve të rrejshme, sot është takuar për të parën herë në Bruksel.

Grupi synon dhënie të kontributit për zhvillimin e një strategjie në nivel të Bashkimit Evropian, e cila do të paraqitet në fund të muajit prill të këtj viti me shpjegimin “se si të veprohet me këtë fenomen, duke i definuar rolet dhe përgjegjësitë e pjesëmarrësve relevant dhe formulimin e rekomandimeve”.

Komisionarja evropiane për ekonominë digjitale, Mariya Gabriel, e ka lansuar thirrjen për konkurrim në këtë grup, në nëntor të vitit 2017 dhe i ka zgjedhur 40 vetë prej 300 kandidatëve.

Duke folur pas takimit të parë, Gabriel tha se lajmet e rrejshme “mund të mos jenë ilegale” ose të reja, por po përphapen “me shkallë shqetësuese” dhe e kërcënojnë reputacionin e mediave dhe mirëqenien e demokracive, potencialisht duke i shkatërruar “vlerat demokratike”.

Ky grup kryesohet nga Madeleine De Cock Buning, profesoreshë në Universitetin Utreht në Holandë, e cila është e specializuar për pasurinë intelektuale, të drejtat e autorit dhe lgjislacionin për media.

Në grup, po ashtu, përfshihen edhe përfaqësues të mediave, siç janë AFP dhe ARD, dhe firmat në Internet, si Facebook, Google dhe Twitter.

Shkruar Nga
More from Revista User

OKB: Siria – katastrofa më e keqe prej Luftës së Dytë Botërore

Shefi i Kombeve të Bashkuara për të drejta të njeriut, Zeid Raad...
Read More