Berisha: Do të vërshojnë 500 mijë njerëz, Basha: Nesër inaugurohet Republika e Re, OSBE: Nuk ka vend për dhunë

berisha

Një ditë përpara protestës së paralajmëruar të opozitës, prezenca e OSBE në Shqipëri reagoi me një mesazh të shkurtër në rrjetet sociale.

“E drejta për t’u mbledhur në mënyrë paqësore është një prej themeleve të demokracisë. Në Shqipërinë e vitit 2017 nuk ka vend për dhunë,” thuhet në mesazh.

Por ish-kryeministri Sali Berisha paralajmëroi kreun e qeverisë, Edi Ramën, se nesër në Tiranë do të vërshojnë 500 mijë shqiptarë. 

Berisha shpërndau disa foto nga çadra dhe theksoi se gjysmë milioni shqiptarë do të protestojnë për votën e lirë dhe kundër varrmihësit të pluralizimit.

“Album nga Çadra e Lirisë, drejt së cilës nesër vërshojnë mbi 500 mijë shqiptarë për votën e lirë dhe kundër varrmihësit të pluralizmit, Edvin Kristaq Rama”, shkruan Berisha.

Sali Berisha mbajti dje në çadër një fjalim të ashpër kundër Ramës, duke e konsideruar si antishqiptarin më të madh që pas Enver Hoxhës.

Ndërkohë në fjalimin e tij në çadrën e protestës, një ditë përpara protestës së paralajmëruar, kryetari i PD, Lulzim Basha tha se nesër do inaugurohet Republika e Re.

lulzim-basha

“12 jave qendrese do te permbyllen sot sepse neser kjo qendrese do te inuaguroje Republiken e Re nga ky shesh i bashkimit me te madh te shqiptareve.

Neser nis rrugetimi i bashkimit te shpresave te shqiptareve ne nje te ardhme me te mire, i vendimit per te rrezuar me forcen e bashkimit Republiken e Vjeter te vesit, korrupsionit, krimit dhe droges,” tha Basha. 

“Nesër merr rrugën shpresa. Nesër bashkohen në këtë shesh qindra mijëra të rinj e të reja, sepse e dinë që me bashkimin e tyre dhe me vendosmërinë për të mos pranuar zgjedhje të diktuara nga krimi e droga, do t’i hapin rrugën arsimit dinjitoz. Do të marrë fund kaosi korruptiv me maturantët.

Me ne bashkohen nesër qindra mijëra sipërmarrës të vegjël, të cilët kanë përjetuar taksat e larta dhe inspektorët e pashpirt. Republika e re do të çlirojë bizneset e vogla nga taksat e larta.

Nesër bashkohen me ne qindra mijëra fermerë të lënë në dëshpërim. Zero subvencione dhe investime për ta. Por, nga ky shesh do i kthehet fermerëve shpresa dhe mundësia përmes subvencioneve dhe investimeve që produktet e tyre të shiten.

Nesër bashkohen në këtë shesh pensionistët, me pensionet që u rritën më pak se inflacioni. Pensionistët bashkohen për republikën e re, që brenda 4 viteve do të mundësojë që pensioni minimal të jetë jo më pak se 250 mijë lekë (të vjetra) në muaj për çdo pensionist. Do të përgjysmohen edhe biletat e urbanit në të gjithë vendin”, tha Basha.

Shkruar Nga
More from Redaksia

Bregu: Anëtarësimin në BE e kemi të sigurt, por duhet të ndryshoni…

    Pas prezantimit ditën e sotme të strategjisë së zgjerimit të...
Read More