Dëshmon ish-komandoja: Nesim Hoxha do më vriste me një kokërr ulliri, prandaj i preva kokën

alban-voda

Ish- komandoja Alban Voda, i arrestuar nga policia e Përmetit si autor i vrasjes së fqinjit të tij, 66- vjeçarit Nesim Hoxha, në fshatin Ujëmirë të Këlcyrës ka dëshmuar përballë oficerëve të policisë gjyqësore, por nuk i ka bindur këta të fundit me versionet që ka dhënë për krimin e kryer paraditen e së dielës, pasi ka shfaqur halucinacione gjatë marrjes në pyetje.

Burime pranë grupit hetimor konfirmojnë se, 30-vjeçari Voda, ka deklaruar se 66-vjeçari Hoxha, kishte dashur ta mbyste para disa vitesh me një kokërr ulliri. Në një moment të dytë, Voda ka deklaruar se 66-vjeçari ka përdhunuar hallën e tij. Dëshmi kjo që ka ngritur pikëpyetje për gjendjen mendore të 30 –vjeçarit, Alban Voda, ndaj pritet që ai t’i nënshtrohet një kontrolli psikiatrik për të përcaktuar shkallën e përgjegjshmërisë.

Voda, nuk ka qenë më parë i evidentuar si person me probleme psikike dhe po ashtu nuk ka pasur një kartelë klinike që vërtetonte këtë fakt. Ndërkohë në periudhën 2009-2012, ai ka shërbyer në Forcat e Armatosura, ku ka marrë pjesë në dy misione, në Kabul dhe Herat dhe pas përfundimit të misioneve është larguar nga radhët e ushtrisë për t’u mbyllur në vetvete dhe duke shmangur çdo shoqërim apo komunikim me njerëzit.

Pritet që policia dhe prokuroria të kërkojnë edhe një raport të detajuar mbi gjendjen e tij në kohën e shërbimit ushtarak. Ndërsa është larguar përfundimisht nga radhët e forcave komando në vitin 2015. Nga veprimet hetimore rezulton se Voda vuante nga depresioni, por nuk ka qenë person problematik për shërbimet e policisë dhe nuk ka qenë i evidentuar me kartelë mjekësore nga Spitali. Ai akuzohet për veprën penale “Vrasje me paramendim”.

Në një dalje për mediat ka reaguar edhe Ministrja e Mbrojtjes Mimi kodheli, duke e cilësuar si një ngjarje të rëndë dhe një problematikë e tillë është prezente edhe në ushtritë e vendeve të tjera të NATO-s, jo vetëm në vendin tonë. “Ne i trajtojmë sa janë në radhët e Forcave të Armatosura, ndërsa më pas nuk mundemi pasi nuk jemi Ministria e Punëve Sociale.”, u shpreh ministrja , Mimi Kodheli.

Shkruar Nga
More from Revista User

Në Maltë diskutohet pas ndalimit të përdorimit të laptopëve në fluturimet drejt Amerikës

Zyrtarët evropianë dhe ata amerikanë të Departamentit të Sigurisë Kombëtare do të...
Read More