Diktatori me makinë, truprojat me vrap!

Udhëheqësi i Koresë së Veriut, Kim Jong-un ka nisur vizitën e tij në Korenë e Jugut dhe që në ditën e parë ka habitur me zakonet e tij.

Një video e publikuar në rrjetet sociale tregon se si, pas takimit të parë me Presidentin koreano-jugor, Moon Jae-in, lideri i Veriut u largua me makinë, ndërsa 12 truprojat e shoqëruan me… vrap!!!

Kim Jong-un u bë lideri i parë i Koresë së Veriut që shkel në Korenë e Jugut, duke kaluar vijën ushtarake që ka ndarë gadishullin që prej fundit të Luftës Koreane, në vitin 1953.

Në një moment plot simbolikë, lideri koreano-jugor Moon Jae-in dhe Kim shtrënguan duart në kufi, në të dyja anët e tij për të qenë të saktë, pasi Kim e ftoi Presidentin e Koresë së Jugut që për pak çaste të kalonte kufirin drejt Veriut.

Ndryshimi i situatës është kolosal, pasi vetëm pak muaj më parë diskutimi mes vendeve ishte luftarak, ndërsa tani ata mund të diskutojnë paqen dhe armët bërthamore.

Pjesa më e medhe e temave të samitit janë dakorduar mes palëve, megjithëse shumë ekspertë janë skeptikë për entuziazmin e Veriut për një marrëveshje.

Pas ceremonive zyrtare, dy liderët hynë në Shtëpinë e Paqes në Panmunjom, një ndërtesë ushtarake në zonën e çmilitarizuar në kufi, ku Kim firmosi Librin e Miqve.

Shkruar Nga
More from Redaksia

Donald Trump: Ky është momenti ynë i ri amerikan!

    Presidenti amerikan Donald Trump u përpoq të shfaqte sa më...
Read More