Dita e Ujit të Bekuar festohet nga të gjithë besimtarët e krishterë

kapja-e-kryqit

Dita e Epifanisë, ose ndryshe e njohur si dita e Ujit të Bekuar është festuar nga të gjithë besimtarët e krishterë. Pavarësisht temperaturave të ulëta të rinjtë janë futur në ujë për të marë kryqin që simbolizon bekim për gjithë vitin për këdo që e merr.

Dita e Epifanisë u festua nga të gjithë besimtarët e krishterë në të gjithë vendin.
Në Berat nën temperatura të acarta, është zhvilluar ceremonia e ditës së ujit të bekuar, që mbahet cdo 6 janar.

Festa e Ujit të Bekuar për herë të parë pas shumë vitesh është zhvilluar nën prezencën e borës, që ka shoqëruar gjithë ceremoninë.

Qindra qytetarë kanë sfiduar të ftohtin ekstrem, duke u bërë pjesë e ritit fetar të krishterë. Një grup të rinjsh u futën në ujërat e ftohta të lumit Osum për të kapur kryqin e shenjtë.

Urimet për këtë festë i përcolli nga Berati ministri i Mirëqënies Sociale dhe Rinisë, Blendi Klosi.

Ndryshe nga Berati ku kryqi u hodh në lumin Osum, në Fier prej vitesh ky ritual zhvillohet në një shatërvan.

Edhe në Korçë, ceremonia e hedhjes së kryqit u mbajt në një prej shatërvanëve të qytetit.

Në Vlorë, kremtimi i epifanisë u bë përmes hedhjes së kryqit ne det.
Por për shkak të temperaturave shumë të ulëta askush nuk është futur në det të presë kryqin e hedhur nga At Kostandin Prifti.

Ndryshe ndodhi në Durrës, ku të rinjtë e qytetit bregdetar sfiduan të ftohtin dhe u futën në det për të pritur kryqin. 19 vjecari Enkel Siani ishte ai që kapi kryqin e bekuar.

Në Gjirokastër, kryqi, simbol i ditës së ujit të bekuar u hodh në ujërat e lumit Drino

Ceremonia e hedhjes së Kryqit në lumë njihet edhe si dita e ujit të shenjtë dhe e ka zanafillën te pagëzimi i Jezu krishtit nga Gjon Pagëzori në lumin Jordan.

Shkruar Nga
More from Revista User

Numër alarmues me HIV në Evropë

Rreth 160.000 njerëz janë infektuar me HIV në 53 vende të Evropës...
Read More