Dokufest 2017: Marubi ‘sticker art’ në muret e Prizrenit

Prizreni si rrallë ndonjëherë është mbushur me fotografi të Marubëve. Një pjesë e mirë e arkivit nga Muzeu Kombëtar i Marubit është riaktivizuar nëpër rrugë e mure të qytetit historik. Duke krijuar një ekspozitë të hapur, të rinjtë janë angazhuar për të përshtatur imazhet e Marubëve përmes metodës sticker art

Prizreni si rrallë ndonjëherë është mbushur me fotografi të Marubëve. Një pjesë e mirë e arkivit nga Muzeu Kombëtar i Marubit është riaktivizuar nëpër rrugë e mure të qytetit historik. Duke krijuar një ekspozitë në open air të rinjtë janë angazhuar për të përshtatur imazhet e Marubëve duke i ngjitur mureve të Prizrenit. Vlerësuar si një dhuratë për qytetin kjo ishte pjesë e programit të këtij në edicionin e 16-të të Dokufest e parashikuar në bashkëpunimin me Muzeun Kombëtar të Fotografisë në Shkodër. Organizatorët thanë se “Marubi x DokuPhoto” synon të sjellë në ambientet e qytetit dinastitë e familjeve më të rëndësishme shqiptare dhe jo vetëm. Arkiva e fotografive të Marubit kap dhe dokumenton ngjarje nga historia e trazuar e Shqipërisë (1856-1959) dhe përfshin fotografi magjepsëse të ngjarjeve të ndryshme publike, ritualeve shoqërore, kryengritjeve në malësi që mbulojnë pikëpamje historike, sociologjike, kulturore dhe antropologjike. Një përzgjedhje e fotografive të kuruara nga koleksioni i gjerë i muzeut prej 500.000 negativëve, që përfaqëson tre breza fotografësh, u paraqiten përmes aktiviteteve të ndryshme përgjatë festivalit.

Të udhëhequr nga artisti Ergin Zaloshnja, pjesëmarrësit riadaptuan imazhet e arkivës në muret e Prizrenit në ditën e dytë të punëtorisë, përmes metodës sticker art, duke krijuar një ekspozitë të hapur. Në këtë rast drejtori i muzeut, Luçjan Bedenin, prezantoi projektet më të reja të një “muzeu që ndryshon një qytet”, si vazhdimësi e misionit të Marubëve. “Kjo u arrit dhe përmes programeve të ndryshme të cilët nga njëra anë sjellin më afër historinë e të parës studio fotografie shqiptare, e nga ana tjetër kërkojnë të sensibilizojnë më të rinjtë, ata që fotografinë e shohin si një instrument komunikimi të përditshëm, ndaj rëndësisë së ruajtjes së vlerave të kësaj trashëgimie dhe tejçimin e tyre në brezat e ardhshëm”. Në ditë të tjera është menduar që të rinjtë të arrijnë edhe në koleksionin e muzeut përmes eksplorimit të temave mbi dy ekspozitat e fundit

‘Manipulim’ dhe ‘ Rroftë!’. Udhëhequr nga artistja Blerta Hocia, ata do të përdorin detaje, do të zmadhojnë imazhet dhe do të bëjnë kolazhe për të shprehur vizionin e tyre. Kurorëzimi i bashkëpunimit të DokuFest dhe Marubi do të jetë ekspozita edhe video-mapping e koleksionit të muzeut, që do të kthejë sipërfaqen e një ndërtese qendrore të Prizrenit në një ekspozitë dinamike të fotografisë.

Shkruar Nga
More from Enton Palushi

Europa ime, kur do të qeshë edhe gjermani?

Nga Beqë Cufaj Takohen danezi, italiani, holandezi, francezi, belgu dhe britaniku. Flasin...
Read More

Leave a Reply

Your email address will not be published.