Dosja ‘Tahiri’ në udhëkryq, SHISH injoron deputetët

Kreu i Komisionit hetimor “Tahiri” identifikon institucionit e parë që sipas tij po zvarrit punën. Ai është Shërbimi Informativ i Shtetit me drejtor të komanduar Helidon Bendon.

Një pjesë e anëtarëve të Komisionit hetimor kanë kërkuar pajisjen me certifikatë Sigurie të përkohshme, për të parë raportet e shërbimit inteligjent për kultivimin dhe trafikimin e drogës.

“Shprehet personi që ka kthyer përgjigje se nuk mund të jepet certifikata e nivelit tepër sekret në një kohë kaq të shkurtër.

Në fakt ne nuk kemi kërkuar këtë certifikatë, po atë që është dhënë gjithnjë, certifikata e përkohshme për rastet kur është kërkuar dhe është pikërisht për këto raste që jepet me urgjencë, me verifikimet e duhura sigurisht”, tha Paloka.

Ai e sheh të lidhur këtë reagim me ndryshimet e fundit në kupolën drejtuese të Shërbimit Informativ, duke akuzuar për rikthim të ish-bashkëpunëtorëve të sigurimit të Shtetit.

“Pikërisht për të fshehur të gjitha këto fakte, duket se Ramës i është dashur të marrë dhe institucionin e fundit që e implikonte atë dhe familjarët e tij me trafikun e drogës. Ia ka arritur dhe këtij qëllimi”, vijon ai.

Për ndryshimet në SHISH u pyet dhe presidenti i Republikës, por Ilir Meta shmangu komentet.

“Ju faleminderit”, tha Meta.

Helidon Bendo, propozimi i kryeministrit për drejtues të Shish pas dorëheqjes së Visho Ajazi Likës vazhdon të jetë në pritje në tryezën e presidentit Ilir Meta. Por siç ka deklaruar shefi i Ekzekutivit, tjetër propozim nuk do të ketë.

Shkruar Nga
More from Redaksia

Shenasi Rama: Ja e vërteta e rrëzimit të bustit, skandali i Azemit me femrën franceze, Sali Berisha traktat të fshehtë me Ramiz Alinë.

Shenasi Rama, themeluesi i Shoqatës Studentore “Fan Noli” dhe organizatori i grevës...
Read More