Dramë e madhe në Los Angjelos, pjesët e qytetit nën flakë

Disa zjarre janë paraqitur të mërkurën në rrethinën e Los Angjelosit ndërsa 200.000 njerëz janë përfshirë në urdhrin për evakuim, kështu edhe lagjja elitare Bel-Air në të cilën zjarri po kërcënon mijëra shtëpi luksoze.

“Po përjetojmë ditët e vështira, por ato njëkohësisht dëshmojnë për durueshmërinë e qytetit tonë”, ka komentuar të mërkurën kryebashkiaku i Los Angelos’it Eric Garcetti.
“Rreziku shumë i madh po i kërcënon njerëzit në Los Angjelos”, në qytetin e dytë më të madh të SHBA i cili i ka 4 milionë banorë, “i kemi evakuuar 150.000 banorë prej veriut të qytetit”, ka shtuar ai në konferencë për shtyp. Edhe së paku 50.000 njerëz kanë marrë urdhëresë që ti braktisin shtëpitë e tyre në rajoni Ventura i cili gjendet buzë Oqeanit Paqësor.

Në gjithë atë rajon zjarri i quajtur Thomas po bënë kërdi dhe është përhapur me shpejtësi të madhe dhe për dy ditë doli jashtë kontrollit. Po i kërcënon 12.000 objekte, ndërsa 150 prej tyre tashmë janë djegur. Deri tani një person e ka humbur jetën, ndërsa dëmi material po rritet, paralajmërojnë zjarrfikësit.

Për shkak të zjarrit është mbyllur pjesa kryesore e autostradës 405 e cila kalon para Getty Center’it të njohur, e cila do të mbetet e mbyllur së paku deri të enjten.

Janë evakuuar universiteti i njohur UCLA si dhe dhjetëra shkolla.

Rrjetet televizive e kanë paraqitur lagjen e famshme Bel-Air në të cilën jetojnë personat e famshëm dhe miliarderët, në mes tyre ndërmarrësi Elon Musk dhe pop ylli Beyonce, të cilët kanë vila me vlerë disa milionëshe. Siç pretendon rrjeti NBC, digjej edhe Moraga Estate, prona e magnatit medial Rupert Murdoch me vresht, në vlerë 30 milionë dollarëve. Këngëtari Lionel Richie e ka anuluar koncertin në Las Vegas për të ndihmuar ish bashkëshorten e vet Brendi Harvey Richie në evakuim.

Autoritetet po paralajmërojnë se era do të mbetet shumë e fortë dhe e rrezikshme deri të premten.

Shkruar Nga
More from Revista User

Vdekja e 15-vjeçares në Ksamil, gjenden gjurmë

Ngjarja e rëndë në Ksamil, ku turistja 15 vjeçare nga rusia humbi...
Read More