“Duam të shohim pamjet e vrasjes së gazetarit!”



Shtetet e Bashkuara të Amerikës kërkojnë regjistrimin e vrasjes së gazetarit saudit, Jamal Khashoggi, raporton TCH“Duam ta shohim nëse ekziston vërtet”, i tha Presidenti Donald Trump reporterëve në Shtëpinë e Bardhë.

Khashoggi nuk është parë më që kur hyri në konsullatën saudite në Stamboll, në 2 tetor. Rijadi mohon ta ketë vrarë reporterin kritik të regjimit. “Washington Post” ndërkohë publikoi shkrimin e fundit të gazetarit të zhdukur, në të cilin, si për ironi, ai fokusohej tek rëndësia e një shtypi të lirë në Lindjen e Mesme. Gazeta prestigjioze e kishte shtyrë vetë botimin e shkrimit me shpresën se 60-vjeçari do të rikthehej, por tani, thonë drejtues të saj, është e qartë se kjo gjë nuk ka për të ndodhur.

Artikulli është në thelb një shuplakë e fortë për situatën e medias në rajon. Bota arabe, thuhet aty, po përballet me versionin e saj të “Perdes së hekurt”, të vendosur jo vetëm nga aktorët e jashtëm, por edhe nga fuqitë e brendshme të etura për pushtet.

Arabia Saudite është një prej aleatëve më të ngushtë të Uashingtonit dhe zhdukja e Khashoggit e vendos administratën amerikane në një pozicion të çuditshëm. Turqia thotë se e ka ajo regjistrimin e vrasjes dhe Trump, jo fort i bindur në ekzistencën e kësaj prove, e konfirmoi se është kërkuar dorëzimi i saj, duke shtuar se e vërteta ka për të dalë në dritë deri nga fundi i javës.

Presidenti amerikan i hodhi poshtë zërat se po përpiqet të mbulojë sauditët e u justifikua duke thënë se thjesht po kërkon të zbulojë çfarë ka ndodhur realisht me gazetarin.

loading...
Shkruar Nga
More from Enton Palushi

Sot protesta para Parlamentit, Rama “kacafytet” me studentët në Vlorë

Protestat e studentëve zhvendosen ditën e sotme para Parlamentit, ndërsa kryeopozitari Lulzim...
Read More