Dy detyrat imediate të shqiptarëve… të rrëzojnë këta pushtetarë, që i kanë grabitur

Nga Spartak Ngjela

Dy janë detyrat imediate të shqiptarëve sot:
Të rrëzojnë këta pushtetarë të korruptuar që urrejnë shqiptarët pasi i kanë grabitur; dhe të bashkohen të gjithë e të fillojnë investimin e madh për ngritjen e shkencës së historisë, e cila duhet të rishkruajë historinë mahnitëse të vijës së drejtë: Ilirë – Arbër – Shqiptarë.

Kjo duhet bërë për të goditur mediokritetin dhe frikën nga fqinjët të historianëve shqiptarë pa asnjë vlerë. Historia e Shqipërisë duhet të rishkruhet në dritën e lavdisë së saj, si epokë rezistence dhe si epokë historikë në një periudhë tremijëvjeçare.

Këto janë detyrat e domosdoshme që kanë shqiptarët përballë historisë.

*
* *
Ka pasur një konspiracion të shëmtuar antishqiptar që ka nisur që në shekullin XVII, kundër Arbërisë dhe në favor të sllavëve dhe Rusisë: kundër arbërve në fillim dhe shqiptarëve më pas. Stambolli ka qenë me sllavët dhe Rusinë kundër arbëresho-shqiptarëve, sepse nuk ndihej i sigurt po të mos i osmanizonte shqiptarët. Kurse sllavët me Moskën në veprim, e kërkonin osmanizimin e Shqipërisë, që ta kishin të lehtë pastaj pastrimin etnik nga Sanxhaku e nga Nishi, nga Kosova e nga Ulqin, Tivari e Gruda, e kudo që kishte shqiptarë të fesë islame.

Përpjekja otomane për osmanizimin e shqiptarëve ka qenë një egërsi barbare, por qëndresa shqiptare kundër tyre, kur të shkruhet e plotë, shumë shpejt do të hyjë si simbolikë e Perëndimit në funksion të vlerave të qytetërimit perëndimor. Pikërisht këtu nis rishkrimi i historisë së Shqipërisë, që si rezistencë mbijetese pas gjithë kësaj mizorie, sikundër që thotë edhe historiani i madh kroat me famë botërore, Milan Shuflaj – ka ardhur si pasojë e heroikës së malësorëve shqiptarë; por edhe si pasojë e substratit shqiptar ku është mbështetur i gjithë qytetërimi perëndimor.

Ka afër 150 vjet që e gjithë historiografia serbe dhe greke është hedhur në një sulm të përbindshëm dhe herë–herë histerik për të “vërtetuar” se shqiptarët janë osmanët e turq. Kështu vijojnë edhe sot, kur gjithçka është shumë e qartë për historiografinë perëndimore. Por sot, Beogradi dhe Moska e kanë shpresën tek Erdogani dhe te kryeministri shqiptar Edi Rama, që kërkon të shpëtojë veten nga ndëshkimi i drejtësisë për korrupsion, me ndihmën që ky kryeministër mund t’i japë Erdoganit në dëshirën e tij për të rikrijuar Perandorinë Osmane. Një injorancë dhe ligësi njëherësh, është kjo, në një kohë që vetë Erdogani në këto çaste është në pragun cak që do t’i vendosen sanksionet nga Uashingtoni.

*
* *
Shqiptarët, në historinë e tyre përplasëse me orientin u ndodhën midis dy presioneve të mëdha: presioni turk që donte me çdo kusht të osmanizonte arbëresho-shqiptarët, dhe presioni sllav që donte të sllavizonte të gjithë ortodoksinë shqiptare. Të vetmit që rezistonin realisht kanë qenë katolikët shqiptarë. Ortodoksët arbëreshë – shqiptarë me shumicë, të detyruar nga presioni i Stambollit, u shkruajtën sllavë, kurse me katolikët arbëreshë kjo ngjau vetëm, nga Mali i Zi e deri në Dalmaci, por edhe sot kroatët me origjinë arbërore e dinë këtë fakt dhe shkruhen si dalmatë e jo sllavë, pavarësisht se janë brenda kontekstit të gjuhës sllave të Kroacisë.

Po dhe këtu ka një gjë: antiserbizmi dinjitoz kroat e ka marrë forcën nga tharmi iliro-arbëresh i kroatëve.
Shkenca shqiptare e antropologjisë, që ende nuk ekziston, duhet të fillojë punën njëlloj si çështja e gjuhësisë, paralel me çështjen e madhe të rishkrimit të historisë së Shqipërisë.

Kjo është një kohë shqiptare në Ballkanin Perëndimor, por shqiptarët janë në Shqipëri të uzurpuar nga antishqiptarët e korruptuar që, për të shpëtuar veten dhe pasurinë e grabitur nga shqiptarët, goditën dhe nuk lejuan që të bëhej një punë akademike në lidhje me historinë dhe antropologjinë shqiptare.

Kjo është arsyeja që asnjëherë shteti shqiptar nuk pagoi në njëzet vjet studentë për të ndjekur studime në Oksford, në Kembrixh, në Harvard, në Jell, e në universitete të tjerë të mëdha të ekselencës në Perëndim. Kështu si sot, të gjithë e kanë hedhur vështrimin nga fqinjët aneksues dhe pushtues të territoreve shqiptare, me frikë e me datë ndaj tyre, historianë e politikanë – të trembur dhe në shërbim të atyre të cilët kanë 150 vjet që urrejnë gjuhën dhe historinë e Shqipërisë në vijën ilirë-arbër-shqiptarë.
Prandaj:

Lufta antikorrupsion që po drejton politika amerikane me forcë në Shqipëri, ka si qëllim që të ndihmojë shqiptarët të dalin nga sundimi antishqiptar njëqindvjeçar që i ka ardhur nga renegimi i elitave politike në favor të fqinjëve sllavë e grekë, pushtues dhe aneksues të mëdhenj të territoresh shqiptare, por që menjëherë do të fillojë seleksionimi i ekselencës studentore shqiptare për të shkuar në universitetet prestigjioze në Angli e në Amerikë, dhe për të studiuar e për të themeluar shkencën e vërtetë të historisë dhe antropologjisë shqiptare. Kjo është domosdoshmëria jonë”.

Shkruar Nga
More from Enton Palushi

Ngushëllimi suedez

-Letërkëmbimi Mapo-Danas Nga Zoran Panoviç I dashur Mustafa, E kam të vështirë...
Read More