Efekti “Meghan”

Ajo është sot në qendër të vëmendjes, dhe për industrinë e modës, kaq mjafton që të kthehesh në favorit të padiskutueshëm.

6-1

Picture 1 of 6

Meghan Markle po shijon momentin e vet më të madh të famës, megjithatë prej tij janë duke përfituar ndjeshëm edhe firmat e saj të preferuara të veshjeve.

Në media e quajnë “efekti Meghan”; website-t e shitjeve online janë duke u shembur dhe stoqet në magazina nuk përmbushin dot kërkesën e blerësve. çmenduria e momentit rrethon veshjen e saj të Krishtlindjeve; palltoja e madhe bezhë e firmes kanadeze Sentaler, që 36-vjeçarja mbante veshur ditën e Krishtlindjeve, është shitur në të gjithë masat; stoku i ri mbërrin në muajin mars e duket i destinuar që dhe ai, të mbarojë shumë shpejt.

Ka një listë pritjeje prej 350 personash për çizmet e saj 229 paundeshe të Kurt Geiger; shumë femra duan tani një çante 455 paundshe Strathberry si e princeshës së re, por do t’iu duhet të presin deri në muajin shkurt.

Javët e fundit, firmat Joseph, Self Portrait, Parosh, Aritzia e mjaft të tjera kanë raportuar një shtim të ndjeshëm të shitjeve për artikujt e tyre të mbajtur nga Markle, e cila është sot vërtetë në fokus si e fejuara e Harry-t, por e ka dëshmuar me kohë se ka shije mjaft të rafinuara përsa i takon veshjes.

Meghan ushtron aktualisht një ndikim shumë më të madh tek firmat e modës sesa një pjesë e mirë e të ashtuquajturve “influencues profesionistë”, dhe kjo, pa i dashur të postojë qoftë dhe një selfie të vetme në Instagram.

Shkruar Nga
More from Revista User

Ja kush janë vendet me shërbimin më të dobët të internetit…

Janë të pakta vendet e Europës që vuajnë shpejtësinë e ulët të...
Read More