Egjipt: Janë vrarë 23 pjesëtarë të komunitetit kopt

s

Zyrtarët e Egjiptit thonë se 23 vetë janë vrarë dhe 25 të tjerë janë plagosur, nga një sulm kundër një autobusi me të cilin udhëtonin pjesëtarët e komunitetit kopt të krishterë.

Agjencia e lajmeve, Reuters, e ka cituar guvernatorin e provincën Minya, Essam al-Bedaiwy, që ka thënë se persona të armatosur i sulmuan të krishterët, derisa ata udhëtonin në një manastir në jug të kryeqytetit Kajro.

Agjencia tjetër e lajmeve, DPA, ka raportuar për numër të njejtë të personave të vrarë, duke e cituar një zëdhënës të Ministrisë së shëndetësisë së Egjiptit.

Në dhjetor të vitit të kaluar dhe në prill të këtij viti, nga sulmet vetëvrasëse të grupit ekstremist, Shteti Islamik, janë vrarë dhjetëra koptë të krishterë, në tri sulme kundër kishave.

Shteti Islamik ishte kërcënuar se do të ndërmerrte më tepër sulme kundër koptëve të krishterë.

Ky komunitet e përbënë 10% të popullatës së Egjiptit, me shumicë myslimane, prej 92 milionë banorëve.

Shkruar Nga
More from Revista User

Humb lojën me letra, vret tre persona me sëpatë

Autoritetet në Ural të Rusisë kanë arrestuar një 48-vjeçar, pasi dyshohet për...
Read More