ETA njofton zyrtarisht shpërbërjen, i jep fund konfliktit gjysmëshekullor

Për Spanjën ky është fundi i një epoke. Grupi separatist bask, ETA ka njoftuar zyrtarisht se po shpërbëhet, thuajse 50 vjet pasi pretendoi viktimën e saj të parë, raporton TCH.

Në një letër për krerët e organizatës baske, botuar nga faqja e internetit ‘El Diario’ dhe që mban datën 16 prill, grupi militant shkruan për “një mundësi të re, që përfundimisht do t’i japë fund ciklit të konfliktit” dhe pranon “vuajtjet e shkaktuara si rezultat i luftës së saj”.

Shpërbërja zyrtare pritet të bëhet në një ceremoni, që do të mbahet më vonë këtë javë, në qytetin e Cambo-les-Bains, në Francën jug-perëndimore.

Ndërsa ditët e ETA-s mund të mbarojnë, gati gjysma e vrasjeve që i atribuohen organizatës ende nuk janë hetuar plotësisht. Ka shumë baskë, nga të dy anët, të cilët besojnë se ka ende çështje për t’u zgjidhur, përpara se të vendoset paqja e vërtetë.

ETA, e konsideruar një organizatë terroriste nga Bashkimi Europian, vrau më shumë se 800 njerëz në mes 1968 dhe 2010, një vit para se të shpallte një armëpushim të përhershëm.

Shkruar Nga
More from Redaksia

Kryemadhi u bën thirrje socialistëve: Largoni Ramën ose PS-së i erdhi fundi

  Kryetari i Parlamentit, Gramoz Ruçi ka mbyllur seancën e Kuvendit pasi...
Read More