Gjashtë të dashurit që duhet të ketë çdo femër

Me t’u rritur, mësojmë të dashurojmë. Zakonisht, dashuria e parë është idealiste, dhe i dashuri i parë është më i përkryeri në sytë tanë. Por përvoja bën të vetën; na mëson të gjykojmë më ftohtë, të njohin dhe deri diku të kontrollojmë ndjenjat, duke na bërë më të matur në marrëdhënie.

Por deri atëherë, përgjithësisht njerëzit kalojnë nëpër këto lloj dashurish:

1. I dashuri platonik
Me ‘platonike’, kuptohet diçka ideale, përgjithësisht të largët me njeriun që idealizojmë dhe më shumë të bazuar tek ajo që duam që ai të jetë sesa tek ajo që ai është. Prandaj dashuria e parë thonë se të jep zhgënjimin më të madh; është sikur një perde e trashë, e padepërtueshme të bie nga sytë dhe…realiteti mund të mos jetë i keq, por jo ai që besonim.

2. I dashuri emocional
Është ajo dashuria e pashpjegueshme që mund të ndjesh edhe për dikë që nuk përmbush asnjë kriter nga lista e gjatë…dhe të gjithë të pyesin: ‘Po ti, çne me atë?!”. Epo, është një kimi e pashpjegueshme shpirtrash që ju bën bashkë…edhe pse e dini se nuk është ai/ajo që keni ëndërruar. Aq intensive, aq e mbushur me emocione është kjo dashuri, sa zakonisht përfundon shpejt, dhe jo mirë.

3. I dashuri fizik
Ka kimi e kimi… Ndodh që njohim njerëz të cilëve nuk u rezistojmë dot fizikisht, me të cilët përjetojmë një pasion të çuditshëm. Këta janë partnerët që na mësojnë të duam trupin tonë dhe të kemi më shumë vetëbesim. Janë partnerët që, edhe pse largohen sapo pasioni shuhet, na lënë shijen e mirë e një seksualiteti që nuk e njihnim tek vetja.

4. I dashuri ambicioz
Kur jemi në të 20-at, dëshirat dhe ambiciet për karrierën na bëjnë të tërhiqemi nga njerëz që kanë të njëjtat aspirata dhe ndajnë të njëjtat ëndrra me ne. Këta janë partnerët që të nxisin të këmbëngulësh, të mbështesin në karrierën që ke zgjedhur dhe pse jo, i thonë dikujt një fjalë të mirë për ty. Disa prej këtyre dashurive përfundojnë edhe me martesë, sepse pak gjëra mund t’i bëjnë bashkë dy njerëz si ambicia.

5. I dashuri që të do më shumë/ më pak se e do ti
Është ai që ti e do shumë, ose ai që të do shumë. Duket sikur të gjithë e përjetojnë të paktën një herë një marrëdhënie të pabarabartë në aspektin e ndjenjave; i thyejmë dikujt ndjenjat dhe pastaj vjen dikush e na i thyen ne. Karma? Epo, duhet të ketë një gisht në gjithë këtë.

6. Vetja
Sepse pas të gjitha marrëdhënieve të suksesshme, të pasuksesshme, ato që të bëjnë të ndihesh mirë apo ato që të lëndojnë, kupton se në të vërtetë, ka qënë e gjitha në dorën dhe mendjen tënde. Nëse ke pasur fatin t’i përjetosh të gjitha llojet e lartpërmendura të dashurisë, me gjasa ka ardhur një moment kur je lodhur dhe ke dëshiruar të rrish nja një vit vetëm. Gjatë kësaj kohe, mëson të duash veten dhe atëherë, je me të vërtetë gati për çfarëdolloj dashurie për dikë tjetër, më e kthjellët dhe më e ndërgjegjshme se kurrë.

Shkruar Nga
More from Revista User

Seti i fotografive të Cindy Crawford dhe Kaia Gerber që tregojnë se janë vërtetë nënë e bijë identike

Cindy Crawford dhe vajza e saj 16-vjeçare, Kaia Gerber, janë si dy...
Read More