Gjethet e dafinës, aleatë të zemrës, veprojnë kundër ankthit e diabetit, përmirësojnë tretjen


Dafina është përdorur nga paraardhësit tanë për të përgatitur finjë (dezinfektant ose sapun) për të pastruar rrobat dhe enët e kuzhinës, veçanërisht në rastet e shfaqjes së epidemive. Romakët e lashtë e përdornin dafinën për të trajtuar sëmundjet e mushkërisë

Në ditët e sotme vlerat e dafinës shkojnë përtej dhe përfshijnë stomakun dhe veshkat. Këto gjethe fantastike kanë aftësi të detoksifikojnë trupin, ngadalësojnë procesin e plakjes, përshpejtojnë procesin e shërimit, mbrojnë organizmin nga infeksionet, mbajnë diabetin nën kontroll, përmirësojnë shëndetin e zemrës, reduktojnë inflamacionin, rregullojnë frymëmarrjen, përmirësojnë tretjen, lehtësojnë dhimbjet nga reumatizma, luftojnë bronkitin, parandalojnë gripin e shumë të tjerë.

Gjethet

Gjethet e dafinës vijnë nga familja Laurus Nobilis vendlindja e të cilës është Mesdheu. Kjo bimë hyjnore është e pasur me vitaminë C, vitaminë B dhe A. Kjo e fundit është një antioksidant natyral që njihet për vetitë në mbrojtjen e shikimit, por edhe mbrojtjen nga kanceri i mushkërive. Dafina ka në përmbajtjen e saj një nivel të lartë të mineraleve si bakri, potasi, kalcium, mangani, hekuri, zinku dhe magnezi. Potasi ndihmon në mbajtjen nën kontroll të rrahjeve të zemrës dhe tensionit të gjakut. Hekuri është thelbësor në prodhimin e qelizave të kuqe.

Dafina dhe sistemi tretës

Gjethet e dafinës kanë një impakt të fortë në sistemin tretës si diuretik që ul nivelin e toksinave në trup dhe reagon ndaj helmimeve ushqimore. Përmbajtjet organike të gjetheve gjithashtu ndihmojnë me tretjen dhe qetësojnë një stomak të trazuar dhe zorrët.

Dafina dhe frymëmarrja

Vaji i dafinës mund të përdoret për të lyer kraharorin dhe ndihmuar me problemet me frymëmarrjen. Nëse nuk keni mundësi të përdorni vaj, mjafton të zieni ujë më dafinë dhe të shfrytëzoni avullin që do t’ju lehtësojë dhe do të eliminojë bakteret e rrezikshme që gjenden në sistemin e frymëmarrjes. Por kujdes se përdorimi i vajit të dafinës i ndalohet grave shtatzëna.

Përmirëson shëndetin e flokëve

Nëse do të përmirësosh shëndetin e flokëve dhe të heqësh zbokthin atëherë përdor gjethe dafine. Lagi ato në ujë dhe fërko lëkurën e kokës pas larjes. Përbërësit e dafinës do të heqin zbokthin dhe zbusin lëkurën e thatë.

Dafina ka efekt anti-inflamator

Një nga vlerat më të çmuara të dafinës është se këto gjethe reduktojnë inflamacionin në organizëm. Gjethet kanë në përmbajtjen e tyre një element të njohur si parthenolide që redukton irritimin në zona të caktuara që mund të jenë prekur nga artriti.

Dafina ndihmon zemrën

Gjethet e dafinës kanë në përmbajtjen e tyre acid kafeik dhe rutin, dy elemente që i japin zemrës forcë. Rutina forcon kapilarët e gjakut në zemër, ndërkohë që acidi largon kolesterolin e keq nga sistemi kardiovaskular.

Parandalon kancerin. Kombinimi i fuqishëm i antioksidantëve që gjenden te dafina mbrojnë organizmin nga radikalet e lira që shkaktojnë mutacion të qelizave të shëndetshme në kancerogjene. Këto përbërës parandalojnë një mutacion të tillë.

Dafina kundër ankthit dhe stresit

Dafina ka një efekt lehtësues, çlirues dhe qetësues. Trumza, borziloku dhe dafina kanë në përmbajtjen e tyre linalol, një element që ul hormonet e stresit në organizëm. Ndaj gjethet e dafinës të ndihmojnë të qetësohesh edhe në momentet më stresuese kur ankthi është i lartë.

Dafina kundër diabetit. Gjethet e dafinës kanë lidhje direkte me rregullimin e nivelit të sheqerit në gjak. Konsumimi i rregullt i gjetheve ul rrezikun e sëmundjes së diabetit.

 

Vaj ulliri me gjethe dafine -kurë për të trajtuar variçet dhe dhimbjet e kyçeve

Përbërësit:

60 gramë gjethe dafine të njoma ose të thata

500 ml (dy gota) vaj ulliri

Mund t’i shtoni rozmarinë për aromë

Udhëzimet:

Së pari, copëtojini dhe shtypini gjethet e dafinës

Hidhini në kavanozë qelqi dhe mbulojini me vaj ulliri

Mbylleni kapakun fort dhe lëreni në një vend të errët dhe të freskët për 14 ditë

Herë pas here, shkundini kavanozët e qelqit që të lejohet përzierja e njëtrajtshme

Pas dy javësh kullojeni lëngun me një napë të pastër

Vajin shërues futeni në një shishe qelqi dhe mbajeni në një vend të ftohtë dhe të errët

Përdorimi

Vajin me dafinë mund ta ngrohni në avull dhe më pas ta përdorni të fërkoni kyçet dhe gjymtyrët që ju dhembin.

Përveç kësaj, vajin shërues mund ta përdorni për të trajtuar ulçerën limfatike, migrenën dhe infeksionet e veshit.

Nëse keni dhimbje të forta koke, aplikojeni në dy anët e kokës.

Dhimbja do të ikë brenda pak kohe.

Konsumimi

Këtë vaj mund ta pini për problemet e stomakut, mëlçisë dhe oreksin.

Mund të konsumoni një lugë gjelle në mëngjes esëll për 30 ditë.

Kurën e përsërisni nëse e ndjeni të nevojshme.

Me dafinë kundër gripit, bllokimeve dhe sekrecioneve

Kura me avullin e lëshuar nga dafina i hap rrugët e frymëmarrjes dhe zhbllokon hundët.

Ekspertët rekomandojnë zierjen e 6 gjetheve të dafinës në dy gota me ujë.

Pasi uji të ketë marrë valë, hiqeni nga zjarri dhe hidheni në një enë tjetër.

Mbulojeni kokën me peshqir dhe mbajeni fytyrën pranë enës.

Merrni frymë thellë duke nuhatur aromën e këndshme të dafinës.

Shurup kolle përgatitur në shtëpi

Dafina përbën një mënyrë efikase për të trajtuar kollën e thatë.

Kura kundër kësaj kolle përgatitet shumë lehtë në kushtet e shtëpisë.

Në një tenxhere ose çajnik ju udhëzon që të hidhni dy gota me ujë dhe më pas 6 gjethe dafine.

Pasi të kenë zier për 15 minuta, kullojeni lëngun dhe lëreni të ftohet.

Lëngun hidheni në një tas qelqi dhe shtoni gjashtë lugë gjelle me sheqer kaf dhe lëngun e një limoni.

Përziejini mirë përbërësit me njëri tjetrin dhe lëngun futeni në një kavanoz me kapak, të cilin mund ta ruani në frigorifer për 7 ditë.

Kompresat me gjethe dafine

Gjethet e dafinës janë shumë të mira kundër bronshitit.

Me to ju mund të bëni kompresa të mira e shëruese.

Në një tenxhere të vogël hidhni dy gota me ujë dhe pasi të kenë marrë valë shtoni 3 gjethe dafine.

Fikeni sobën dhe pas pak minutash, në tenxhere hidhni një napë të cilën më pas mund ta përdorni si kompresë e ta mbani në kraharor.

Një mënyrë tjetër është që pasi gjethet e dafinës të kenë qëndruar në ujë të ngrohtë për disa minuta, t’i vendosni menjëherë mbi kraharor.

Vaji esencial i dafinës

Aroma e thellë e dafinës ju ndihmon të merrni frymë lirisht.

Për përgatitjen e vajit të dafinës ju duhen 4-5 gjethe dafine dhe 2 gota me vaj bajameje të ëmbël.

Pastrojini gjethet dhe hidhini në një kavanoz bashkë me vajin e bajames.

Lërini së bashku për 40 ditë dhe më pas mund ta përdorni vajin për të përmirësuar frymëmarrjen ose kundër sinozitit.

Burimi: Agroweb

Shkruar Nga
More from Enton Palushi

Heqja e mandatit të dy deputetëve, si shenjë e një raporti të ri midis politikës dhe drejtësisë

Nga Ervis Iljazaj Komisioni Qendror i Zgjedhjeve ka vendosur t’iu heqë mandatin...
Read More