Greqia iu dorëzon autoriteteve shqiptare dosjen me të gjitha krimet e “Eskobarit të Ballkanit”

balili1

Një dosje voluminoze i është dorëzuar autoriteteve shqiptare nga qeveria greke kundër Klement Balilit. Mësohet se materiale prej 2500 faqesh i është dorëzuar autoriteteve që më 12 nëntor, por në gjuhën greke.

Ky material i është dërguar Shqipërisë, pas letër porosisë të Prokurorisë së Krimeve të Rënda drejtuar autoriteteve greke para disa muajsh.

Por duke qenë se dosja është në gjuhën greke, i është dërguar Ministrisë së Brendshme, në mënyrë që ekspertët të bëjnë përkthimin korrekt të saj.

Pas kësaj, pritet që materiali t’i dorëzohet prokurorisë shqiptare paraditen e së mërkurës.
Kjo është hera e dytë që autoritete greke dërgojnë një dosje me dëshmi dhe fakte për vrasje, trafik drogë dhe njerëzish pranë institucioneve shqiptare, sa i takon Klement Balilit, por dosja e parë nuk u dërgua në Prokurori sepse Ministria e Drejtësisë nuk gjeti dot një përkthyes të gjuhës greke.

Klemend Balili u arratis nga Shqipëria në maj 2016, pasi policia greke lëshoi një urdhër arresti për të, me akuzën e trafikut të lëndëve narkotike dhe pjesëmarrjes në organizatë kriminale. Prej më shumë se një viti ai u hetua nga policia greke, në bashkëpunim me shërbimet antidrogë amerikane dhe policinë shqiptare.

Balili akuzohet për krijimin e një organizate kriminale e cila trafikonte drogë nga Shqipëria në drejtim të Greqisë dhe vendeve të tjera të BE-së.

Gjatë periudhës 2014-2016, policia greke, britanike dhe bullgare kanë sekuestruar rreth 2,4 ton marijuanë dhe 23 kilogramë kokainë të trafikuara nga organizata e drejtuar nga ai.

Shkruar Nga
More from Revista User

Përse Familja Mbretërore nuk udhëton askund pa marrë me vete kostum të zi

Familja Mbretërore gjithmonë din si të vishet për ngjarje të rëndësishme. Efekti...
Read More