Halloween, një natë tmerri në kështjellën e Drakulas!

Nata e Halloween në kështjellën e Drakulas. Ndoshta vendi më i frikshëm në botë për të kaluar natën e 31 tetorit, natën që tradita anglo-saksone ia dedikon shtrigave dhe mostrave.

Kështjella e Bran e cila lidhet me legjendën e kontit Drakula, do të hapet kësisoj pas 70 viteve falë një konkursi nga Airbnb.

Çifti fitues i konkursit do të jetë në kontakt me legjendën e vampirëve të Transilvanisë dhe me romanin e viteve 1897 të Bram Stoker.

“Dua të tregoj bukurinë e vendit që i ka dhënë origjinën historisë,” ka thënë Dacre Stoker, pasardhësi i shkrimtarit i cili për halloween do të interpretojë Jonathan Harker, personazhi që në libër tregon numërimin e vampirëve në kështjellë.

Kështjella Bran e cila ndodhet afër Brasov në Transilvani ka frymëzuar Stoker, por kështjella e vërtetë e kontit Drakula është ajo e Ponearit, në qytezën Arefu.

Mysafirët që do të udhëtojnë në Rumani, do të dërgohen në kështjellë nga një karrocë e tërhequr nga kuajt. Në darkë do të serviret pulë me speca, e njëjta recetë e romanit.

Më pas natën do ta kalojnë në arkivole, por në qoftëse ndikimi emocional do të jetë i madh, do të ketë edhe shtretër në dispozicion.

Airbnb ka vendosur disa rregulla të thjeshta për t’u ndjekur: Është e ndaluar të marrësh hudhër me vete, të kesh bizhuteri argjendi dhe të bësh selfie sepse legjenda thotë që vampirët nuk mund të shihen në pasqyrë.

Historia e Kështjellës: Kështjella e Bran ishte fillimisht një fortesë ushtarake e vendosur në rrugën që lidh Rumaninë me jugun e Transilvanisë.

Thuhet se në mesin e shekullit XIV, Vlad III nga familja e “draçulestit” do ta përdorin kështjellën si burg për rivalët dhe të gjitha ata që ishin përpjekur t’i bënin keq familjes.

Më pas kështjella i kaloi mbretëreshës Mari e cila ia la trashëgimi vajzës së saj, princeshës Ileana derisa u sekuestrua nga regjimi komunist në vitin 1948 dhe që atëherë askush nuk e ka kaluar natën aty.

Në vitin 2006 kështjella i është kthyer djalit të Ileanës, Dominikut të Habsburgëve.

Ndërsa sot prona administrohet nga një kompani rumune e cila e jep atë me qira për dasma, aktivitete politike etj.

Shkruar Nga
More from Revista User

Ed Sheeran shpjegon arsyen përse nuk ishte në Grammy Awards 2018

Ishte një nga fituesit më të mëdhenj të Grammy Awards 2018, por...
Read More