Harry dhe Meghan Markle, “muaj mjalti” tek George Clooney, në liqenin e Comos



‘Muaj mjalti’ italian për dukët e Sussex, që ashtu siç zbulon revista Chi në numrin e të mërkurës, 22 gusht, kanë kaluar disa ditë në liqenin e Comos, duke u bërë të ftuarit e veçantë të George Clooney dhe Amal Alamuddin.

Harry dhe Meghan nuk kanë dalë asnjë moment nga Vila Oleandra dhe kanë kaluar pjesën më të madhe të kohës duke u relaksuar në pishinë, ku Markle është zbavitur duke luajtur rolin e ‘dados’ për binjakët Alexander dhe Ella Clooney.

Sipas të përjavshmes çifti ka zbritur me një avion privat në sekret të plotë në mbrëmjen e 16 gushtit dhe janë drejtuar direkt në Vilën Oleandra, shoqëruar nga një grup agjentësh të shërbimeve sekrete angleze dhe nga agjentë të policisë italiane.

Teksa Meghan zbavitej me binjakët e çiftit, Harry ka sfiduar Clooney dhe të ftuarit e tjerë në ndeshje tenisi dhe basketbolli.

I vetmi moment ‘zyrtar’, gjithmonë sipas revistës, ka ndodhur në mbrëmjen e të shtunës, 18 gusht, kur në parkun e vilës është shtruar një darkë gala ku kanë marrë pjesë rreth 15 të ftuar.

Mbrëmja ka vazhduar deri natën vonë. Të dielën dukët e Sussex janë nisur nga Malpensa.

loading...
Shkruar Nga
More from Redaksia

Suedi, javë të tëra paqartësish pas përfundimit të zgjedhjeve

Suedia përballet me javë të tëra paqartësish politike, pasi dy blloqet rivale...
Read More