Havai sfidon përmes gjyqit urdhrin e Trumpit për ndalim të udhëtimit

Havai ka nisur të sfidojë përmes gjyqit urdhrin e Trumpit për ndalimin e hyrjes në SHBA nga shtatë vende me shumicë myslimane.

Sfida e re ngrit pyetje rreth interpretimit të urdhrit, përkatësisht rreth asaj se kush është i liruar nga ky urdhër.

Gjykata Supreme e SHBA-së, gjatë kësaj jave ka liruar nga vendimi, personat të cilët kanë marrëdhënie të mira me ndonjë qytetar apo organizatë amerikane.

Mirëpo sipas një udhëzimi të Departamentit të Shtetit në SHBA, vetëm anëtarët e familjes së “ngushtë” siç janë prindërit, motrat ose fëmijët konsiderohen si kategori që mund ta lirojnë dikë nga vendimi për ndalimin e hyrjes.

Sipas po këtij udhëzimi lidhjet jo martesore, gjyshërit, apo nipat nuk janë pjesë e kësaj kategorie dhe nuk konsiderohen të afërm.

Avokati i Përgjithshëm i Havait, Doug Chin, ka thënë se disa nga familjarët e përjashtuar sipas këtij vendimi, në Havai konsiderohen familje e ngushtë andaj ky udhëzim shkel instruksionet e Gjykatës Supreme.

Gjyqtari i SHBA-së, Derrick Watson kërkoi nga Departamenti i Drejtësisë në SHBA, t’i përgjigjej kërkesës së Havait deri më 3 korrik.

Watson ishte një nga gjyqtarët të cilët bllokuan më parë urdhrin për ndalimin e udhëtimit.

Ky urdhër për ndalim të udhëtimit në SHBA prek qyetarët nga Irani, Libia, Somalia, Sudani, Siria dhe Jemeni.

Shkruar Nga
More from Revista User

Dasma më luksoze e verës; një unazë 7 mln euro dhe një tortë 8-katëshe

Vera është periudha e dasmave, por padyshim që ceremonia më luksoze e...
Read More

Leave a Reply

Your email address will not be published. Required fields are marked *