Helmohen 70 persona, policia arreston pronarin e një restoranti

70 persona dyshohet se janë helmuar pas konsumimit të ushqimit në një restorant në qytetin e Bajram Currit.

Policia e Tropojës sqaron se në pranga ka vënë pronarin e restorantit, Dashmir P, 47 vjeç, banues në Gjakovë, Kosovë.

“Arrestimi i këtij shtetasi u bë, pasi më datë 18.07.2017, në spitalin e Bajram Currit janë paraqitur 70 persona për të marrë ndihmë mjeksore, pasi dyshohet se janë helmuar nga ushqimi. Nga kryerja e veprimeve të para hetimore ka rezultuar se këta shtetas kanë konsumuar ushqim në lokalin (restorantin) e shtetasit Dashmir P, në lagjen “28 Gushti”, në qytetin e Bajram Currit”, sqaron policia.

Në lidhje me ngjarjen janë kryer veprimet proceduriale në bashkëpunim me specialistët e AKU-së, Drejtorisë së Shëndetit Publik Tropojë, ku janë marrë mostrat për kryerjen e ekzaminimeve përkatëse.

Materialet i kaluan Prokurorisë së Rrethit Gjyqësor Tropojë, për veprat penale” Prodhimi dhe shitja e ushqimeve dhe e lëndëve të tjera të rrezikshme për shëndetin” dhe “Kontrabanda me mallra të tjera”, parashikuar nga nenet 288 dhe 174 të K.Penal.

Shkruar Nga
More from Revista User

3 të plagosur nga aksidenti në Elbasan, arrestohet shoferi i dehur

Një tjetër aksident me pasojë 3 të plagosur ka ndodhur për shkak...
Read More

Leave a Reply

Your email address will not be published.