Hetimi/Sekuestrohet libri i takimeve të Tahirit në Ministrinë e Brendshme

Të gjitha takimet që Saimir Tahiri ka bërë si ministër, gjatë 4 viteve në ambientet e Ministrisë së Brendshme do të verifikohen nga ana e prokurorisë.

Mësohet se prokurorët e Krimeve të Rënda kanë sekuestruar librin e takimeve nga viti 2013 deri në 2017. Bëhet fjalë për periudhën kur në krye të Ministrisë së Brendshme ishte Saimir Tahiri, të cilit do t’i rishikohen në lupë edhe emrat e personave që ka pritur në zyrë, raporton TCH.

Ky veprim hetimor po kryhet për të verifikuar përgjimet e italianëve të njërit prej të dyshuarve në grup, shtetasit Florian Habilaj, i njohur ndryshe edhe si “Lolo”, i cili është kapur duke thënë se do shkojë në Tiranë të takojë shefin e madh.

Gjithashtu në funksion të këtyre hetimeve u janë kërkuar të gjithave kompanive celulare, që të dorëzojnë sa më shpejtë pranë grupit hetimor komunikimet telefonike të ish-ministrit të Brendshëm dhe të tre vëllezërve Habilaj si edhe qelizat e telefonave të tyre.

Shkruar Nga
More from Revista User

Izraeli do të ndërtojë vendbanime të reja në Bregun Perëndimor

Izraeli do të miratojë ndërtimin e qindra shtëpive të reja në Bregun...
Read More