I mori jetën fëmijës 3 vjeç në rrugën Tiranë-Elbasan, i “çmenduri” pas shpejtësisë

shaipi1

Imirjan Shaipi ishte duke ecur me një automjet “Peugeot” në autostradën Tiranë-Elbasan, konkretisht në fshatin Ibë kur përplasi fatalisht një nënë të re dhe fëmijën e saj 3 vjeç, e cila ndërroi jetë në spital. Mjeti doli nga rruga për shkak të shpejtësisë së madhe dhe përplasi nënë e bijë që ecnin në anë të rrugës. Policia tha se ka vënë 25-vjeçarin Imirjan Shaipi, nga Elbasani.

Nga verifikimet dhe matjet e kryera në vendin e ngjarjes, ekspertët e Policisë Rrugore kanë dyshime se Shaipi po lëvizte me shpejtësi mbi 120 km/h ndaj ka humbur kontrollin e mjetit, duke dalë nga rruga. Ndërsa nënë e bijë po ecnin në anë të autostradës, kur makina i ka përplasur.

Vajza e mitur, Xh. Velija, ka ndërruar jetë kur po transportohej për në spital. Ndërsa nëna e saj, E. Velija, 35 vjeçe, pas ndërhyrjes së mjekëve, e ka kaluar rrezikun për jetën dhe ndodhet e shtruar në Spitalin e Traumës.

Drejtuesi i mjetit ka marrë disa plagë të lehta dhe u shoqërua menjëherë në polici, ku më pas u arrestua për shkelje të rregullave të qarkullimit rrugor. Pasi iu nënshtrua një testi, shoferi nuk rezultoi të kishte konsumuar alkool, ndërsa, sipas policisë, shkak i aksidentit ka qenë shpejtësia tej normave të lejuara.

I riu që shkaktoi aksidentin e rëndë në fshatin Ibë të Tiranës, është administrator i një kompanie private sigurie në Elbasan. Ai udhëtonte shpesh në kryeqytet dhe duket se autostradën që lidh dy qytetet e bënte për një kohë shumë të shkurtër, kjo për shkak të fiksimit që kishte për t’i dhënë makinës me shpejtësi.

Imirjan Shaipi ka postuar në profilin e tij në facebook foto dhe video duke lëvizur me shpejtësi tejet të lartë në autostradën Tiranë-Elbasan.

Fotografia e fundit që tregon kilometrazhin e makinës së tij në ecje, që shënon 253 km/ orë, ai e ka postuar më 10 janar, shoqëruar me diçiturën: “Për të gjithë ata që nuk ndihen të sigurt me mua…”.

Shkruar Nga
More from Revista User

Dëshira për të udhëtuar ka një arsye shkencore

Studimet gjatë viteve kanë treguar një lidhje mes një teprie të dopaminës...
Read More