Jolie i bën thirrje NATO për mbrojtjen e të drejtave të femrave

Angelina Jolie po vë në qendër të vëmendjes dhunën ndaj grave anembanë botës, duke thënë se është “shpesh më e rrezikshme të jesh një grua në luftë sot se sa të jesh ushtar”.

Në një shkrim të përbashkët me sekretarin e Përgjithshëm të NATO-s Jens Stoltenberg për The Guardian, regjisorja përshkruan se si aleanca e NATO-s mund të jetë një lider në dhënien fund të dhunës me bazë gjinore, veçanërisht si taktika ushtarake.

“Pavarësisht se është e ndaluar nga e drejta ndërkombëtare, dhuna seksuale vazhdon të përdoret si një taktikë lufte në konflikte të shumta nga Mjanmari në Ukrainë dhe nga Siria në Somali”, thotë ajo.

“Ajo përfshin përdhunimin në masë, dhunimin e grupeve, skllavërinë seksuale dhe dhunimin si një formë torture, spastrim etnik dhe terrorizëm. Ajo llogarit në masë të madhe pse shpesh është më e rrezikshme të jesh një grua në një luftë sot sesa të bëhesh ushtar”, shton Jolie (42).

Aktorja thotë se NATO duhet të bëhet kujdestare e të drejtave të grave, duke rënë në përputhje me misionin e tyre për të qenë “një mburojë kundër agresionit dhe frikës nga agresioni”.

Plani Jolie-Stoltenberg përfshin integrimin e grave në pozita udhëheqëse brenda organizatës, duke forcuar trajnimin ushtarak në mbrojtjen e të drejtave të njeriut dhe duke vazhduar zbatimin e praktikave standarde të veprimit.

Ata gjithashtu kërkojnë që NATO të njohë më shumë rolet e këshilltarëve dhe ushtareve femra që bashkëveprojnë me komunitetet dhe që përdorin të dhëna për të identifikuar modelet në dhunën seksuale të lidhur me konfliktin.

Shkruar Nga
More from Revista User

Televizioni shtetëror rus: Bota për “një qime” larg luftës nukleare

Shpresat ruse për marrëdhënie të mira me SHBA-të nën udhëheqjen e presidentit...
Read More