Kashar: Shfaqen vatra të reja zjarri gjatë mëngjesit, ja dyshimet e para

Vatra të reja zjarri janë ndezur këtë mëngjes në fabrikën e riciklimit, e cila u shkrumbua një ditë më parë në zonën e Kasharit, raporton TCH.

Rojet e objektit ndërhynë pa sukses për të shuar flakët dhe vetëm me mbërritjen e zjarrfikëses, situata është vënë nën kontroll.

Flakët përfshinë të dielën qindra ton mbetje plastike.

Zjarri vazhdoi disa orë jashtë kontrolli edhe pse në vendngjarje u dërguan të gjitha forcat zjarrfikëse të Tiranës, dy mjete të ushtrisë dhe dy autobotë të ujësjellësit të bashkisë.

Zjarri masiv ishte kërcënues edhe për bizneset ngjitur. Flakët përpinë edhe shtyllat e energjisë elektrike dhe OSHEE njoftoi djegien e linjës që lidh Unazën e Re me zonën e Mëzezit.

Zjarri ngriti një re toksike që shkaktoi probleme shëndetësore për zjarrfikësit që luftonin me flakët dhe banorët e zonës përreth.

Hetimet po vijojnë nga prokuroria, por të dhënat e para tregojnë se masat e sigurisë nga mbrojtja kundër zjarrit në këtë fabrikë ekzistonin vetëm në letër sepse në realitet, në fabrikë nuk kishte as fikëse zjarri dhe as ujë.

Shkruar Nga
More from Enton Palushi

Kuvendi voton kundër arrestimit të Tahirit

Kuvendi miratoi me 75 vota pro raportin e mazhorancës në Këshillin e...
Read More