Këshilla: Pas ftohjes, si trajtohet kolla

Faktorët që ndikojnë në tejzgjatjen e kollës. Kolla që mbetet pas të ftohurës ose infeksionit, ndikohet nga një sërë faktorësh

Ndjeshmëria e lartë e rrugëve të frymëmarrjes bën që edhe ajri i ftohtë ose edhe sasia më minimale e pluhurit të nxitë kollën. Kolla është një simptomë shumë e zakonshme e të ftohurës. Ajo është një instrument, nëpërmjet të cilit organizmi nxjerr jashtë sekrecionet e akumuluara në rrugët e frymëmarrjes. Megjithatë, në shumë raste, edhe kur e ftohura ikën, kolla mbetet e shpesh vazhdon për shumë gjatë. Ka njerëz të cilët nuk gjejnë paqe nga kolla për muaj të tërë.

Shkaqet

Faktorët që ndikojnë në tejzgjatjen e kollës. Kolla që mbetet pas të ftohurës ose infeksionit, ndikohet nga një sërë faktorësh. Sipas të dhënave të AgroWeb.org, një prej tyre është irritimi i rrugëve të frymëmarrjes të cilat janë më të ndjeshme pas sëmundjes. Ndjeshmëria e lartë e rrugëve të frymëmarrjes bën që edhe ajri i ftohtë ose edhe sasia më minimale e pluhurit të nxitë kollën. Ka raste që kolla bëhet kronike dhe tregon praninë e astmës. Mjekët thonë se astma është përgjegjëse për deri në 25% të rasteve të kollës kronike. Një tjetër fenomen që vërehet pas kalimit të sëmundjes është ajo që në termat popullorë njihet si kolla e mirë. Bëhet fjalë për një infeksion bakterial të rrugëve të frymëmarrjes që prek fëmijë dhe të rritur dhe mund të zgjasë për muaj të tërë. Shpërthimet e kollës së mirë janë të forta. Krizat e kollës bëhen të njëpasnjëshme e të pandërprera duke vështirësuar marrjen e frymës.

Trajtimet

Trajtimet e nevojshme të kollës pas të ftohurës. Përveç tabletave të kollës që shkrihen në gojë dhe shurupit që zbut rrugët e irrituara të frymëmarrjes, ekspertët rekomandojnë hapat e mëposhtëm.

Mjalti

Mjalti është një nga kurat më të lashta kundër kollës. Të rriturit mund të konsumojnë nga një lugë çaji me mjaltë sa herë që kanë kollë për të zbutur rrugët e frymëmarrjes dhe zbutur krizat e kollës.

Lëngjet

Kollitja bëhet e vështirë nëse fyti është i thatë. Pini sa më shumë lëngje të shëndetshme për të njomur fytin por qëndroni larg pijeve alkoolike, ato me kafeinë, lëngut të portokallit dhe agrumeve që mund të acarojnë fytin.

Çajrat e ngrohtë

Çajrat e ngrohtë dhe supat janë gjithnjë të këshillueshme kundër kollës. Ato luajnë rol hidratues dhe nxehtësia e tyre shpërbën sekrecionet.

Trajtimet me avull

Trajtimet me avull zbusin rrugët e frymëmarrjes dhe largojnë nevojën për t’u kollitur. Mbushni një enë me ujë të nxehtë dhe mundohuni të thithni përmes gojës dhe hundës avullin duke vendosur mbi kokë një peshqir.

Për më tepër këto trajtime zbusin sekrecionet dhe lehtësojnë frymëmarrjen. Kujdes me ajrin e ndotur. Ajri i ndotur, pluhuri, cigarja janë të dëmshëm për rrugët e frymëmarrjes por ashpërsojnë edhe kollën.

Trupi ka nevojë për pushim. Kolla është drobitëse për të gjithë organizmin, ndaj ju duhet të pushoni dhe të qëndroni shtrirë. Nëse nuk merrni kohën e duhur, problemi do t’ju shoqërojë për më gjatë.

E ftohura me të ftohtë

Ndonjëherë duhet t’i lejoni vetes diçka të ftohtë. Duke qenë se fyti është në flakë nga kollitja e përsëritur, dhimbjen mund ta mpini me diçka të ftohtë.

Shkruar Nga
More from Enton Palushi

Klara Buda: Në diktaturë frika i modelonte njerëzit

Dje, në hollin e UET është promovuar romani i Klara Budës, “Pëshpërimë...
Read More