Kolonia e artit UET 2017, Kujtim Buza: Jemi rritur e edukuar si piktorë të natyrës

Piktorë të njohur shqiptarë që i përkasin ndoshta brezit të fundit të piktorëve të peizazhit u mblodhën dje në hollin e UET-it për të hapur ekspozitën e tyre me motive nga Shqipëria e Mesme, në kuadër të Kolonisë së Artit UET 2017. “E kemi për nder të jemi nxënës të shkollës së peizazhit dhe jemi rritur dhe jemi edukuar me pikturën e natyrës, si piktorë të natyrës, si piktorë të pasqyrimit të motiveve nga jeta”, -tha piktori i njohur Kujtim Buza.

Piktorë të njohur shqiptarë që i përkasin ndoshta brezit të fundit të piktorëve të peizazhit u mblodhën dje në hollin e UET-it për të hapur ekspozitën e tyre me motive nga Shqipëria e Mesme, në kuadër të Kolonisë së Artit UET 2017.

“E kemi për nder të jemi nxënës të shkollës së peizazhit dhe jemi rritur dhe jemi edukuar me pikturën e natyrës, si piktorë të natyrës, si piktorë të pasqyrimit të motiveve nga jeta”, -tha piktori i njohur Kujtim Buza.

Ndërsa mjeshtri Bujar Kapexhiu, i cili është dhe kurator i kësaj ekspozite në edicionin e katërt të kolonisë së artit UET, i cilësoi këta piktorë si një grupim i rrallë i pikturës së natyrës.

“Falenderojmë piktorët të cilët me shumë pasion me shumë ndjeshmëri me shumë emocion, pa përtim, punuan këto 4-5 ditë dhe kanë krijuar këto piktura që janë këtu në këtë ekspozitë. Kjo tregon që piktorët e apasionuar, sidomos piktorët e peizazhit, që sot po them një fjalë që, janë “një racë” në zhdukje, sepse kanë filluar të bëjnë më tepër instalacione dhe lloj-lloj me hekura dhe me dërrasa, dhe kompjuter dhe po i largohen penelit. Prandaj them që peizazhistët janë një racë në zhdukje”, u shpreh Kapexhiu duke vlerësuar punën e grupit të piktorëve që iu bashkuan kolonisë së artit, që UET e ka kthyer tashmë në traditë.

Sipas Kapexhiut, në këtë koloni janë piktorët më të talentuar të peizazhit, piktorët më të talentuar të penelit sot për sot.

Administratori i UET-it, Henri Çili, beson se ky komunitet piktorësh që i janë bashkuar kolonisë në 4 vite rresht janë një premisë e mirë për të folur për një degë artesh në këtë universitet.

“Është krijuar një komunitet artdashësish, kryesisht tek artet figurative, dhe kjo mendoj është gjëja më e mirë në lidhje me objektivat e institucionit tonë. Tashmë ne nuk e kemi artin ose aktivitetet me karakter artistik, në këtë rast Kolonia e artit, thjesht si një aktivitet kulturor, por e kemi paradhomën e strehimit të arteve në universitetin tonë. Mendoj që ky komunitet i krijuar pak a shumë prej 30-40 piktorësh, disa e kanë përsëritur këtë eksperiencë, në 4 vite, janë një premisë e mirë për të folur për artet në UET, për departamentin e ardhshëm të arteve dhe posaçërisht artet vizuale”, theksoi Çili.

Me ekspozitën e kolonisë së artit 2017, UET ka krijuar tashmë një koleksion të madh pikturash duke iu përngjarë traditave më të mira të universiteteve perëndimore. “Ne e dimë që nuk do të na sjellë ngrohtësi ekonomike, por universiteti do ishte i gjymtuar pa dimensionin e tij artistik”, vlerësoi më tej Çili duke vlerësuar angazhimin e piktorëve.

Piktorët pjesëmarrës u paraqitën në ekspozitë me nga 3 piktura me motive nga natyra, po ku dallonin stilet dhe nuancat e përjetimit të natyrës te secili prej tyre. Në hollin e UET lanë firmën e tyre piktorët Kujtim Buza, Ardit Boriçi, Zaim Elezi, Nikolin Ivanaj, Bernard Shijaku, Luan Boriçi dhe Petrit Duriçi.

Shkruar Nga
More from Enton Palushi

Pse dhe si të mbajmë këtë raport demografik fshat–qytet!

Nga Gentian Kaprata Një komb i varfër, sikurse edhe një familje e...
Read More