Lajm i keq për azilkërkuesit, Merkel e Kurz marrin këtë vendim

Kancelari i ri austriak, Sebastian Kurz, 31 vjeç, zhvilloi një takim me homologen e tij gjermane, Angela Merkel, në Berlin, për çështjen e azilkërkuesve.

Ndërkohë që Kurz ka patur mosmarrëveshje me Merkelin lidhur me politikën e saj të mëparshme të refugjatëve dhe azilkërkuesve, liderja gjermane ra dakord javën e kaluar për vendosjen e një kufizimi vjetor të numrit të refugjatëve deri në 180 000-220 000, në bisedimet për formimin e një koalicioni qeveritar.

Diskutimet mbi ligjshmërinë e vendosjes së një kufiri më të lartë për azilkërkuesit sipas ligjit ndërkombëtar dhe kushtetutës gjermane, i bën jehonë debatit të qeverisë së mëparshme të koalicionit austriak, në janar 2016 kur ata vendosën një kufi të numrit të aplikimeve të reja për azil deri në 37 500.

Deri tani nuk është arritur ende kufiri i vendosur vjetor i numrit të refugjatëve që mbërrijnë në Austri, por çështja e refugjatëve vazhdon të mbetet një nga temat e shumëdiskutuara në Austri kryesisht gjatë zgjedhjeve të përgjithshme të tetorit, që rezultoi me formimin e një koalicioni të ri midis OeVP-së të Kurz dhe Partisë së Lirisë (FPOe), përcjell Atsh.

Gjithashtu, numri i refugjatëve që mbërrijnë në Gjermani ka qenë më i ulët.

Disa të dhëna të fundit zyrtare, treguan se në Gjermani kishte patur rreth 186 000 kërkesa për azili në 2017, nga 280 000 që ishin në 2016.

Shkruar Nga
More from Revista User

Nënë Tereza ishte motivim për Princeshën Diana

Janë zbuluar letra të Princeshës së ndjerë, në të cilat ajo tregon...
Read More