Latino-amerikanët pushtojnë Moskën, shërbime gratis për tifozët në Rusi

Starton sot Botërori “Rusi 2018”. Pritshmëritë janë shumë të mëdha dhe e gjithë bota e ka vëmendjen pikërisht në Rusi. Kryeqytetin e vendit, Moskën, e kanë pushtuar menjëherë tifozët e vendeve amerikano-jugore, aq sa duket se aty po zhvillohen karnavalet.

“Vërtet është mbyllur Sheshi i kuq? Kemi ardhur nga Uruguai, nesër shkojmë në Ekaterinburg”, – pyet një tifoz policinb, i cili ia pret shkurt: “Mbyllur!”. Sheshi i kuq sot do të jetë mbyllur, sepse sot në mbrëmje do të ketë një koncert lirik të Plaçido Domingos dhe Ana Netrebkos, me Putin pjesëmarrës dhe shumë të ftuar.

Tifozët nga Montevideo në fakt janë mes shumë të zhgënjyerve në para nisjes së Kupës së Botës. Moska duket se është kthyer në një vend karnavalesh, me ritme amerikano-jugore, latine, pak afrikane, por edhe iraniane. Më tej janë peruanët që kërcejnë, argjentinasit dhe kostarikanët.

Spikasin trombat dhe paruket me ngjyrat e flamujve të vendeve të ndryshme. Kalohet imagjinata në ndonjë rast. Foto mes tifozëve rivalë, fanella të Salah pa fund.

Huliganët ende nuk janë shfaqur dhe vështirës se do të gjejnë hapësirë në qendrën e Moskës. Kultura dhe gjuhë të ndryshme, video direkt në rrjetet sociale. Sapo dëgjohet një kor, me qindra celularë janë gati të filmojnë. Organizatorët ofrojnë gratis për tifozët “FanID”, një top “tesere tifozi”, që të jep mundësinë për shërbime të ndryshme pa pagesë.

Tifozët kalojnë gjithmonë nga detektori i metalave, që çuditërisht nuk jep asnjë sinjal. Çantat, portofolët kalojnë nëpërmjet rrezeve x në çdo vend. Siguria është në shkallën maksimale. / Vipsport.al

   

Shkruar Nga
More from Redaksia

Ish-e dashura mbron biseksualitetin e Rita Orës: Nuk bëri asgjë të gabuar!

Aktorja dhe modelja e njohur, Cara Delevigne ka mbrojtur Rita Orën pasi...
Read More