Lirohet nga burgu ish-deputeti Mark Frroku

Gjykata e Fierit ka liruar nga burgu ish-deputetin socialdemokrat, Mark Frroku. Ish-deputeti socialdemokrat ishte dënuar nga Gjykata e Apelit me 6 vite burg për fshehje pasurie.

Gjykata ka vendosur pezullimin e dënimit dhe vendosjen e masës së sigurisë “detyrim paraqitjeje”.

Gjykata e Fierit me një vendim të ditëve të fundit i ka falur kohën e mbetur të dënimit prej 1 viti e 5 ditësh, duke urdhëruar lirimin e menjëhershëm të Frrokut.

Ai u dënua në prill të vitit të kaluar nga gjykata e shkallës së parë e Tiranës me 7 vjet e 6 muaj burgim për akuzat e fshehjes së pasurisë dhe ndërtim të paligjshëm.

Ndërsa në janar të këtij viti gjykata e Apelit po në Tirane ia reduktoi dënimin ne 6 vjet burg për të njëjtat akuza. Ndërsa gjykata e Fierit së fundmi ka vendosur lirimin para kohe të Frrokut.

Përveç akuzave për të cilat u shpall fajtor, Frroku u dyshua edhe për vrasjen e shtetasit shqiptar Aleksander Kurit në vitin 1999 në Belgjikë, por këto dyshime nuk u provuan.

Ndërkohë javën e ardhshme në gjykatën e Tiranës pritet të nisë një tjetër proces ndaj Frrokut, atë ku së bashku me Tom Doshin dhe Durim Banin akuzohen për dëshmi të rremë për një atentat ndaj një deputeti të opozitës.

Shkruar Nga
More from Redaksia

UET hap dyert për gjimnazet

  Maturantët nga “Sami Frashëri” dhe “Besnik Sykja” janë njohur nga afër...
Read More