Mësuesja u shkruan letër 100 studentëve: Arsyeja është kaq prekëse!

mesuesjaNjë mësuese ka vendosur t’u shkruajë nga një letër secilit prej 100 nxënësve të saj.

Brittni Darras, një mësuese nga Kolorado, SHBA, postoi fotot e tavolinës së mbushur me letra.

Por arsyeja se përse po u shkruante letër, është kaq prekëse, sa ka bërë shumë njerëz të lotojnë.

“Dy muaj më parë, ishte hera e parë që qava gjatë një takimi me prindërit”.

“Nëna e një nxënëseje, të cilës i kam dhënë mësim prej dy vitesh, erdhi te tavolina dhe më shpjegoi se përse vajza e saj nuk vinte në shkollë”.

“Vajza e saj, e dashur, inteligjente, e bukur, e re, jo vetëm kishte planifikuar vetëvrasjen, por ishte duke e kryer, teksa ndërhyri policia dhe e ndaloi”.

“Ajo kishte fshirë llogaritë e saj në median sociale dhe kishte lënë letra lamtumire. Ishte gati për të lënë këtë botë”.

Brittni shpjegon se ajo dhe mamaja e vajzës po qanin, teksa flisnin.

Mësuesja e pyeti mamanë e vajzës nëse mund t’i shkruante një letër nxënëses së saj në spital.

Ajo i tha se do ishte diçka shumë e mirë.

“Nxënësja ime e mori letrën, mamaja e saj tha se vajza kishte qarë, ishte kthyer nga e ëma dhe i kishte thënë: Si mundet dikush të thotë gjëra kaq të mira për mua? Nuk mendoja se dikujt do i mungoja nëse do ikja”.

“Kjo më bëri të kuptoj se isha shumë pranë humbjes së një tjetër nxënësi nga vetëvrasja. Kalova dy muaj duke i shkruar letër çdonjërit prej 100 nxënësve të mi, duke u treguar se çfarë kanë të veçantë dhe unike secili”.

Brittni beson se vetëvrasjet po bëhen gjithmonë e më të zakonshme për shkak se ne ushtrojmë shumë presion ndaj fëmijëve për të qenë të suksesshëm ose më të mirët.

“Ne duhet të kujtojmë se çdo njeri është unik dhe kjo i bën ata të veçantë”.

“Në vend që t’i ndryshojmë, duhet t’i përqafojmë siç janë, për shkak se së bashku, mund të bëjmë diferencën dhe të shpëtojmë jetë”.

Teacher writes letters to over 100 students after heartbreaking revelation

Shkruar Nga
More from revista mapo

Liberali europian në UET: Koha e të vërtetave për integrimin

Ç’po ndodh me Ballkanin? Cilat janë marrëdhëniet e reja me Turqinë pas...
Read More