Meta: Eugent Bushpepa lartësoi muzikën dhe gjuhën shqipe!

 

Presidenti Ilir Meta priti këngëtarin që përfaqësoi Shqipërinë në Eurovision, Eugent Bushpepa.

Sipas Metës, Bushpepa lartësoi muzikën dhe gjuhën shqiptare.

Një një postim në faqen zyrtare të facebook-ut, presidenti i vendit shihet në krah të yllit të muzikës rrok Eugent Bushpepa.

Përfaqësimi dinjitoz dhe emocionet që mbërthyen çdo shqiptar, duket se nuk i kanë munguar edhe Metës. Ai falenderon Bushpepën për përfaqësimin në skenën europiane.

Meta shkruan “Falenderova sot me mirënjohje, yllin e rokut dhe muzikës moderne shqiptare, Eugent Bushpepa, për përfaqësimin dinjitoz të Shqipërisë në Eurovision.

Me zërin e tij unik dhe falë talentit të papërsëritshëm, Genti lartësoi muzikën dhe gjuhën e mrekullueshme shqipe në skenën europiane, duke na bërë krenar të gjithëve”.

Shkruar Nga
More from Redaksia

Nostalgjikët e Enverit përplasen me mbështetësit e PD-së, video

    Është bërë e zakonshme që në çdo ditë përkujtimore e...
Read More