Ministri italian: Të luftojmë të paprekshmit, ja ndjesia ime

Ministri i Brendshëm i Italisë, Marco Minniti tha ditën e djeshme se vendi i tij do t’i qëndrojë në krah Shqipërisë, por nuk duhet të ketë njerëz të paprekshëm. Duke folur para policëve dhe ambasadorëve, Minniti u shpreh se askund nuk duhet të ketë njerëz të paprekshëm nga ligji.

“Më lejoni të falënderoj forcat e Policisë italiane, Policinë e Shtetit, GdF për punën e jashtëzakonshme që kanë kryer këto vite. Gra dhe burra të Policisë Shqiptare, sepse në këto vite kemi pasur rezultatet që janë njohur dhe nga autoritete italiane.

Faleminderit sepse vërtet ne kemi përballë një operacion suksesi, që u përshkrua këtu me shifra që prej vitit 2013 deri ën 2017 dhe ne kemi parë një rritje progresive të rezultateve.

Sidoqoftë në momentin kur theksojmë që kemi të bëjmë me një operacion suksesi më lejoni të nënvizoj dy gjëra: e para, kryhen në kohë dhe duhen mbajtur edhe në vitet e ardhshme.

Kemi diskutuar për këtë edhe mikun tim shumë të dashur për ndërveprim të fuqishëm. E di shumë mirë se ky është një objektiv strategji i qeverisë shqiptare dhe kam ardhur për të thënë se do të kemi bashkëpunimin e plotë të qeverisë italiane dhe ministrit italian.

Ne duhet të godasim organizatat e mëdha të trafiqeve të paprekshmit, sepse në Europë, Itali, Shqipëri, nuk ka të paprekshëm. Ky është një objektiv që do të punojmë së bashku”, tha gjatë fjalës së tij, ministri i Brendshëm i Italisë, Marco Minniti.

Ai dha edhe përshtypjet e tij nga Tirana dhe Shqipëria.

“Herën e parë kam ardhur përpara shumë vitesh. Cilat ishin ndjesitë e mia kur kaloja nga Rinasi për të mbërritur në qendër? Tirana dhe Shqipëria ka ndryshuar shumë. Po ua thotë një njeri që ka qenë kur ishit të rinj. Ka ndryshuar shumë për mirë, por ende kemi probleme gjigande për të zgjidhur. Sidoqoftë ju duhet të jeni krenarë, sepse me gjithë problemet që kemi përballë, problemet me të cilat duhet të përballemi, Shqipëria ka qenë më e mirë nga sa ka qenë”.

Shkruar Nga
More from Revista User

Elia feston ditëlindjen, përcjell një mesazh për vajzat e lindura në shkurt

Ajo është një nga vajzat më me fat në Shqiëri. Princeshë Elia...
Read More