Nepali ndalon ngjitjen vetëm të Everestit

Nepali ndaloi me ligj ngjitjet solo në malet e tij, përfshirë Everestin, majën më të famshme dhe më të lartë të botës.

Masat e reja janë një përpjekje për të reduktuar aksidentet dhe gjithashtu përfshijnë ndalimin të verbërve dhe të gjymtuarve. Sipas zyrtarëve të turizmit në vend, ligji u modifikua për të bërë alpinizmin më të sigurt. Gjatë vitit 2017 u regjistruan një numër rekord njerëzish që tentuan të ngjiten në Everest, ndërsa 6 ishin viktimat.

Sipas rregullores së re, alpinistët e huaj do të shoqërohen gjithnjë nga guida lokale. Diçka që, sipas autoriteteve, përveçse shmang aksidentet e atyre që mendojnë se i njohin malet, do të krijojë edhe vende pune. Por, vendimi për të ndaluar ngjitjen e të verbërve dhe të gjymtuarve është kritikuar nga disa njerëz si diskriminues.

Më shumë se 200 njerëz kanë humbur jetën në Everest që prej vitit 1920 dhe sipas autoriteteve lokale, ortekët dhe rëniet janë dy shkaqet kryesore.

Shkruar Nga
More from Revista User

Superaksion në qendër të Durrësit, policët me maska kontrollojnë makinat luksoze

Një aksioni i gjerë i Policisë në Durrës ka nisur prej dy...
Read More