Nisin arrestimet/Në pranga shoferi që “goditi” policinë, zbulohet pse nuk u përgjua në gusht

Që pas mbrëmjes që 18 shtatorit, Elbasani është kthyer në qendrën e debatit dhe akuzave se policia e shtetit është e dobët përballë krimit. Pas akuzave të ambasadorit amerikan, Donald Lu, mbërmjen e së mërkurës, policia e Elbasanit konfirmoi arrestimin e Enea Bekteshin, i dyshuar si shofer në “Audin” e blinduar që goditi makinën e nëndrejtorit të Policisë së Elbasanit, Gjergj Oshafi. Bekteshi u arrestua nga efektivët e Policisë së Elbasanit dhe Njësia Operacionale në banesën e tij me Cërrik. Gjatë kontrollit në shtëpi, atij iu gjet edhe një sasi marijuana. Policia dyshon se këtë qytet mund të jenë fshehur edhe Suel e Petrit Çela, të shpallur në kërkim po për këtë ngjarje. Suel Çela është i dyshuar gjithashtu se ndodhej në makinën e blinduar. Në këtë qytet prej disa ditësh janë edhe forcat RENEA.

Ngjarja

Mbrëmjen e 18 Shtatorit, policia arrestoi Ledio Zabelin dhe Kelmend Xhaferrin, të cilët u ndaluan në një fuoristradë Range Rover, ku u gjet një sasi marijuanë. Në momentin e ndalimit të tyre makina “Audi” e blinduar goditi makinën e policisë, për t’u futur në tregun ushqimor. Asnjë nga 12 policët prezentë në vendin e ngjarjes nuk reagoi, ndonëse ishin të armatosur. Ngjarja po hetohet nga Prokuroria e Krimeve të Rënda, ndërkohë që veprime po kryhen edhe nga Shërbimi i Çështjeve të Brendshme dhe Ankesave për sjelljen e policëve.

Policia

Enea Bekteshi, ishte fshehur në banesën e kunatit në Cërrik që pas momentit të incidentit me policinë e Elbasanit në datë 18 shtator. Pas arrestimit nga kontrollet në banesë iu gjet një sasi kanabisi. Bekteshi rezulton një emër i njohur për autoritetet shqiptare, pasi më datë 10 gusht 2017, prokuroria e Elbasanit i ka kërkuar policisë se Shtetit përgjimin fotografik, filmik dhe me audio të Sokol Astrit Sanxhaktarit (dhëndri i Qazim Sejdinit), Kelmend Ymer Xhaferrit dhe Enea Njazi Bekteshit. Por vetëm 13 ditë më pas urdhrit të prokurorisë policia u përgjigj se stafi ishte me pushime duke mos e përgjuar. “Nga ana e sektorit të forcës së posaçme, nisur nga dinamika e madhe me shërbime në funksion të procedimeve penale në ndjekje dhe numrit të limituar të ndihmës specialistëve si pasojë e ndjekjes së grafikut të pushimeve vjetore, është e pamundur kryerja e veprimeve të vëzhgimit të fshehtë të personave dhe mjediseve në këtë periudhë kohore”.

Shkruar Nga
More from Revista User

Kthejini gjërat e vjetra në diçka praktike

Nëse keni bluza ose çorape të vjetra mos u ngutni që t’i...
Read More

Leave a Reply

Your email address will not be published.