Pamjet e shpërthimit tronditës në Shkodër bëjnë xhiron e botës: Kush ishte Lul Kulla

Pamjet dhe lajmi për shpërthimin e tritolit në Shkodër kanë bërë xhiron e botës.

Në pamjet që ngjajnë me ato që shihen në vendet e Lindjes së Mesme, dallohen rrënojat dhe personat e plagosur.

Mediat e mëdha në mbarë botën kanë raportuar një artikull të AP për ngjarjen.

Aty thuhet se shpërthimi me TNT plagosi pronarin e një godine dhe shtatë kalimtarë.

Tre prej të plagosurve janë në gjendje të rëndë.

Për ironi, shpërthimi ndodhi në kohën kur qeveria po fliste me superlativa për punën e policisë në 105-vjetorin e krijimit të saj.

Objektiv i shpërthimit ishte Lulzim Kulla, 42 vjeç, i njohur edhe si i ‘forti’ i Shkodrës.

Lulzim Kulla është një person me precedentë të mëparshme penale dhe i skeduar nga policia e Shkodrës.

Në qershor të vitit të kaluar ai u arrestua nga policia për kultivim të lëndëve narkotike në zonën e Dukagjinit, por u lirua sërish pas disa muajsh.

Ndërsa pas vitit 1997, Kulla është njohur edhe si i forti i Shkodrës, pasi dyshohet se ka qenë pjesë e disa grupeve kriminale në atë kohë.

Ai njihej si një nga gjobëvënësit më të frikshëm të kësaj zone në Shkodër. Shumë tregtarë i paguanin gjobën ose largoheshin nga frika. Ka pasur spekulime se vrasja e një tregtari lidhet pikërisht me gjobëvëniet.

Kulla ruhej me truproja dhe lëvizte me mjet të blinduar.

Shkruar Nga
More from Enton Palushi

Nis të lëkundet besimi te vetingu, ONM hidhet në aksion

Ekspertët e Operacionit Ndërkombëtar të Monitorimit i rekomanduan dje Komisionerit Publik që...
Read More