Parlamenti Europian voton pro liberalizimit të vizave për Kosovën



Parlamenti Europian ka votuar këtë të enjte pro liberalizimit të vizave për Kosovën.

Votimi konfirmon mandatin për fillimin e bisedimeve me vendet anëtare të BE-së.

Pas këtij hapi, Kosovës do t’i duhet edhe miratimi nga Këshilli i Ministrave të brendshëm të vendeve anëtare.

Pas miratimit në parlamentin e Kosovës të marrëveshjes së Demarkacionit me Malin e Zi, Komisioni Europian dha më 18 Korrik rekomandimin për liberalizimin e vizave.

Kosova është vendi i vetëm në Ballkanin Perëndimor, që nuk gëzon të drejtën e lëvizjes së lirë në zonën Schengen.

Tanja Fajon, raportuesja për Kosovën, është shprehur e lumtur për këtë votim.

“Qytetarët e Kosovës një hap më afër lëvizjes pa viza në Evropë. E lumtur që kam marrë dritën e gjelbër nga Parlamenti Evropian me një shumicë për negociatat me Këshillin Evropian për liberalizim vizash për Kosovën. Përballja vazhdon me qeveritë e Bashkimit Evropian, dhe nuk do të ndalem derisa ta arrijmë”, shkruan Fajon në Twitter.

loading...
Shkruar Nga
More from Redaksia

Bushati: Si mund te zbrapset Rama,me fjalimet poetike te Bujar Asqeriut,apo me guret e “vandalëve” kuksiane?

  Analisti Andi bushati në një shkrim te Lapsi.al shkruan se falangat...
Read More