Përgjimet e drogës/ Tahiri: Ja gabimi im i vetëm


I vënë në qendër të akuzave të opozitës si kolonel i trafikut të drogës dhe për lidhjet e forta me kushëririn e tij Moisi Habilaj, arrestuar dje në Itali, ka folur për herë të parë ish-ministri i Brendshëm Saimir Tahiri.

Tahiri u përfol edhe nga mediat italiane ku emri i tij doli në përgjimet e Habilajt ku u tha se ai mori 30 mijë euro.

Në një deklaratë për mediat Tahiri tha se çdo ditë të punës time kam luftuar për të vërtetën pavarësisht çmimit të saj.

“Sado e madhe qoftë gënjeshtra apo abuzimi, e vërtetë vlen më shumë. Kam mbajtur detyrën e ministrit duke mos u dorëzuar nga sulmet e kundërshtarëve përballë.”

“Gafa ime më e madhe është se unë i shita makinën time më 2013 pa menduar të verifikoj se kujt po ja shihja. Unë mbaj përgjegjësi për këtë, dhe për tej kësaj nuk kam pasur asnjë lloj lidhje”-tha ai.

Ndërkohë edhe Kryeministri Edi Rama ka reaguar pas akzuave për ish-ministrin e Brendshëm Saimir Tahiri, dhe për përgjimet e Habilajt, të arrestuar një ditë më parë në Itali.

POSTIMI I PLOTË

DUAM TË VËRTETËN! SA MË PARË!

Është e neveritshme dhe shokuese çka ka dalë prej bisedave të dy kriminelëve!

Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet.
Por Shqipëria dhe shqiptarët sot duan e meritojnë të dinë të vërtetën, vetëm të vërtetën dhe asgjë tjetër përveç të vërtetës. Prandaj të gjitha organet ligjzbatuese, duhet t’i shkojnë deri në fund e pa humbur kohë kësaj historie, për të hedhur dritë të plotë mbi faktet.

Vetë qeveria e re është krijuar për të mos falur e as toleruar këdoqoftë, që zgjedh rrugën e krimit në vend të rrugës së Shqipërisë që duam – Me shtet, punë, mirëqenie.

Asnjë luhatje. Asnjë rezervë. Asnjë dyshim: Lufta jonë me krimin do të vazhdojë në çdo ditë me edhe më shumë forcë. Deri në fund!

Shkruar Nga
More from Redaksia

Vrasje në Tetovë para selisë së BDI-së, njëri nga të arrestuarit është nga Shqipëria

  Një person mbeti i vrarë dhe dy të tjerë u plagosën...
Read More