Pinguinët afrikanë të bllokuar nga ndryshimet klimatike

penguins_by_kyuubidemon98

Ndryshimet klimatike dhe peshkimi mbi masat në kepin jugor të Afrikës kanë krijuar një grackë për specien e rrezikuar të pinguinëve që largohen nga strofkat e tyre.

Pinguinët e rinj notojnë disa milje larg vendit ku kanë dalë nga veza, duke ndjekur gjurmët e ushqimit si planktonet apo sardelet.

Por ushqimi i tyre sa vjen e zvogëlohet teksa tashmë ata ushqehen vetëm me kandilë apo specie të vogla dhe për shkencëtarët kjo është një grackë ekologjike, e degradimit të mjedisit nga ndryshimet klimatike.

Një studim i ri ka zbuluar kohët e fundit se popullsia e pinguinëve të Afrikës dhe të Namibisë është reduktuar me 50% duke dëmtuar ndjeshëm mundësitë e mbijetesës së zogjve të rinj.

Studiuesit britanikë ndoqën me mjete satelitore 54 pinguinë të rinj në tokat e shumimit në Namibi dhe Afrikën e Jugut. Pinguinët ndiqnin shenjat e sigurta të gjetjes së ushqimit, siç janë temperaturat e ulëta të oqeanit dhe era e planktoneve. Por ndryshimet klimatike dhe peshkimi në masë industriale ka zvogëluar masën e peshqve në sistemin detar, duke lënë pinguinët për t’u ushqyer me kafshë të vogla detare. Kohët e fundit, ngrohja e temperaturave të oqeaneve dhe ndryshimet e kripësisë kanë shtyrë peshqit drejt lindjes, larg kapjes së pinguinëve të kepit jugor të Afrikës.

Shkruar Nga
More from Revista User

Gjermania voton: Por përse bëhet fjalë?

Çfarë ndodh nëse bën një Selfie në kabinën zgjedhore dhe si e...
Read More