Plagosja në 2010, fqinji paguan 80 mijë euro për kokën e aktorit

80 mijë euro është paguar për kokën e Mishel Prela Manoku. Atentati ndaj aktorit 31-vjeçar, i cili mbeti i plagosur te shkolla “Partizani” në Tiranë, zbulohet se porositës ka Ervin Zallumi. Ky i fundit e ka dashur të vdekur aktorin Prela, pasi ai është personi që 31-vjeçari ka tentuar ta vrasë me thikë në vitin 2010.

Drejtori i Policisë së Tiranës, Ardi Veliu gjatë një konference mbi këtë ngjarje, theksoi se janë arrestuar 5 persona, mes të cilëve porositësi, ekzekutori dhe tre anëtarë të bandës. Ndaj 31-vjeçarit u qëllua tetë herë dhe në trup mori dy plumba por që arriti t’u mbijetojë. Mbrëmjen kur u krye atentati ndaj Mishel Prelës ka qenë Shkëlzen Buçi dhe Miklar Tola, ata të cilët kishin marrë përsipër vrasjen.

Nga 8 të shtënat vetëm dy plumba kapën Mishel prelën, duke e lënë atë të plagosur. Më pas Buçi dhe Tola u larguan nga vendi i ngjarjes me një makinë, të ndihmuar nga 41-vjeçari Trim Hidri, ndërkohë që mendohet se Ermir Tola, vëllai i Miklar Tolës, ka informuar grupin për rrugën që ka ndjekur Mishel Prela.

Ngjarja

Gjatë një konferencë për shtyp, Drejtori i Policisë së Tiranës, Ardi Veliu, ka zbuluar se si nga ndodhur ndodhjes ngjarja. Veliu u shpreh se nga operacioni “Pagesa” janë arrestuar autorët dhe bashkëpunëtorët e tentativës së vrasjes me armë të Mishel Preles. “24 orë nga ngjarja policia e ka zbardhur atë dhe ka arrestuar anëtarët e grupit, duke filluar nga porositësi, ekzekutori dhe përkrahësit pas kryerjes së krimit. Më konkretisht Ervin Zallumin nga Tirana.

Ky shtetas është personi që ka porositur vrasjen e shtetasit Mishel Prela, kundrejt shumës prej 80.000 euro, shumë të cilën do t’ia jepte shtetasit Shkëlzen Buçi dhe bashkëpuntorve të tij. Shkëlzen Buçi, 34 vjeç, lindur në Peshkopi e banues në Tiranë, i cila ka qenë në rolin e ekzekutorit , të cilit i është gjendur dhe sekuestruar arma e krimit. Miklar Tola, i cili është bashkëpuntor në tentativën e vrasjes.

Trim Hidri, i cili ka bërë të mundur largimin nga vendi i ngjarjes pas kryerjes së krimit, të autorëve të krimit. Ermir Tola pjestar aktiv i këtij grupi kriminal”. Shkak mbi këtë atentat, policia ka dhënë hakmarrjen por pa zbuluar më shumë.

Pse u porosit atentati

Atentati që përfundoi me plagosjen e aktorit Mishel Manoku (Prela) ishte porositur me qëllim vrasjen e tij, kundrejt shumës prej 80 mijë eurove. Në pranga sipas policisë janë vënë, porositësi, ekzekutori dhe bashkëpunëtorët e tyre, të cilët janë pjesë e një grupi të strukturuar kriminal. Policia e theksoi se porositësi i ngjarjes, Ervin Zallumi e ka dashur të vdekur aktorin Prela por nuk dha asnjë detaj dhe konfliktin mes palëve.

Burime bëjnë me dije se vrasja e aktorit është porositur pasi ka qenë aktori 31-vjeçar, ai i cili ka tentuar ta vrasë me thikë Ervin Zallumin në vitin 2010, një ngjarje e cila nuk u harrua nga Zallumi. Vetë policia, pranoi gjatë konferencës për media se motivi i vrasjes së mbetur në tentativë është hakmarrja, por pa e specifikur se për çfarë hakmarrje bëhej fjalë.

Shkruar Nga
More from Revista User

Blair këshillon Macron: Fokusimi në atë që ka rëndësi

  Ish-kryeministri britanik, Tony Blair këshilloi presidentin e zgjedhur të Francës, Emmanuel...
Read More

Leave a Reply

Your email address will not be published. Required fields are marked *