Podgoricë: Vazhdon procesi kundër personave të akuzuar për puç

Procesi gjyqësor kundër 14 personave të akuzuar për puç për përmbysjen e qeverisë së Malit të Zi dhe për ta mbajtur këtë vend jashtë NATO-s, vazhdon sot në Podgoricë.

Autoritetet shtetërore të Malit të Zi thonë se nacionalistët serbë dhe rusë kanë bërë komplot për ta okupuar parlamentin gjatë zgjedhjeve parlamentare në tetor të vitit të kaluar, për ta vrarë kryeministrin e atëhershëm, Millo Gjukanoviq, dhe për të instaluar udhëheqje proruse për ta ndalur anëtarësimin e Malit të Zi në NATO.

Ndër të akuzuarit janë edhe ligjvënësit opozitarë të partisë, Fronti Demokratik, Andrija Mandiq dhe Millan Knezheviq, pastaj nëntë shtetas të Serbisë dhe dy rusë, kundër të cilëve procesi po zhvillohet në mungesë.

Podgorica thotë se “trupat shtetërore ruse” ishin të involvuara në puçin e dyshuar, por Rusia e ka hedhur poshtë këtë pretendim.

Më 5 qershor, Mali i Zi është bërë anëtari i 29-të i NATO-s, duke shënuar kthesë historike kah aleanca transatlantike, përkundër protestave nga Rusia dhe opozita politike në Mal të Zi.

Shkruar Nga
More from Revista User

Noizy në një linjë me reperat botërorë: “Po, kam ngelur në klasë!”

Noizy, një nga reperat më të njohur shqiptarë dhe njëkohësisht nga më...
Read More

Leave a Reply

Your email address will not be published.