Policia në kërkim të 2 grabitësve, si u gjendën paratë e fshehura në tenxhere me presion

tencxhere

Menjëherë pas arrestimit të 4 autorëve të dyshuar të grabitjeve në Rinas, Policia e Tiranës ka dhënë detaje të reja, duke bërë me dije se ky operacion është ende në vazhdim. Burime zyrtare policore njoftuan ditë e djeshme se aksioni është shtrirë në Tiranë, Vlorë, Tepelenë, Dibër dhe në disa zona të tjera, ku dyshohet se kishin aktivitet personat e arrestuar dhe në kërkim. Në qytetin e Vlorës u gjetën në një ambient të jashtëm të groposura dy tenxhere me presion të mbushura me kartëmonedha paund, dollarë amerikanë, australiane, kanadeze si dhe euro. Ndërsa në Vorë te servisi i familjes Murataj u gjet një kasafortë me një sasi eurosh e dollarësh. Shuma e gjetur është pjesa që Neim Avdulaj mori nga grabitja në Rinas dhe që e dërgoi më pas në Vlorë, duke e fshehur nën tokë me tenxhere presioni pranë banesës. Policia nuk ka saktësuar vlerën e gjetur, por burime pranë uniformave blu bëjnë me dije se bëhet fjalë për të paktën 1.2 milion euro. Ndërkohë, kontrollet kanë vijuar në disa banesa, hotele e lokale në Prezë, Vorë, Farkë, në Vlorë, Lushnjë etj. Operacioni vijon qoftë për gjetjen e provave të tjera materiale ashtu edhe për kapjen e personave të përfshirë në këto ngjarje.

Shkruar Nga
More from Revista User

Radikalizmi, pesë persona në pranga në Austri

Pesë persona janë arrestuar në St. Polten të Austrisë nën dyshimin e...
Read More