Pyetjet që duhet t’ia bëni vetes para se të ndaheni nga partneri

Lidhjet mund të jenë të vështira – tërë bota e din se është lehtë të premtohet një kompromis, por shumë më vështirë të mbahet ai premtim.

Nëse mendoni se lidhja juaj po dobësohet, ose se jeni duke u kënaqur më pak, ose edhe se vëmendja për njëri-tjetrin është duke u shuar, padyshim se mund të jetë e vështirë të kuptohet nëse këto ndjenja janë momentale apo duhet vërtetë të përfundon lidhja.
Linda Caroll, terapiste e çifteve me 35 vite përvojë pune, së fundit ka folur për këtë dilemë.

Këto janë rekomandimet e saja në formë të pyetjeve, të cilat do t’ju ndihmojnë nëse jeni në ndonjë pozitë të tillë:

A jeni duke u kujdesur për veten?

Nëse nuk jeni duke bërë ushtrime fizike, duke medituar apo duke e shfrytëzuar një pjesë të kohës për ta larguar stresin, atëherë normalisht se nuk mund ta fajësoni partnerin për mungesën e lumturisë tuaj.

Fundja fundit, vet ju jeni përgjegjës për lumturinë tuaj!

A dëshironi vërtet ta lini këtë person?

Mund të jeni e gatshme të largoheni, por merrni pak ditë pushim për t’i menduar gjërat mirë dhe shikoni çfarë po ndodhë.

A jeni mërzitur me këtë person, apo lidhja është duke stagnuar?

Nëse ka gjëra të cilat mund të ndryshohen nga ju të dy për ta përforcuar lidhjen, atëherë mendoni gjërat mirë.

A i keni biseduar problemet tuaja me partnerin?

Nuk mund të prisni nga partneri ta zgjidhë një problem që nuk e din se ekziston.

As nuk duhet të prisni nga partneri që ta lexojë mendjen tuaj, por bisedoni për problemet dhe, nëse keni qenë për një kohë të gjatë së bashku, mendoni mirë rrethanat dhe zgjidhni më të mirën për ju të dy.

Shkruar Nga
More from Revista User

SHBA: Marsh kundër politikave të Trumpit për klimën

Dhjetëra mijëra njerëz kanë marshuar në Uashington për të dytën javë me...
Read More

Leave a Reply

Your email address will not be published.