Qëndrimi/ BE është kundër marrëveshjes Shqipëri-Itali për emigrantët

“Dërgimi i azilkërkuesit në një vend të tretë, pa e vlerësuar kërkesën për azil, përbën refuzim dhe nuk lejohet as nga BE dhe as nga e drejta ndërkombëtare”,- tha një zëdhënëse e BE-së.

Marrëveshja e pak ditëve më parë mes Romës dhe Tiranës për të pranuar 20 emigrantët nga Lindja e Mesme dhe Afrika me shumë mundësi do të zhbëhet. Kjo sepse sipas Natasha Bertaud, zëdhënëses së Këshillit Europian, është në kundërshtim me ligjet e brendshme të unionit. Emigrantët që fillimisht mbërritën në brigjet e Italisë mund të vijnë në Shqipërisë vetëm nëse ata vetë dëshirojnë.

Një vend i unionit nuk mund t’i dërgojë emigrantët në një vend të tretë, pa shqyrtuar më parë kërkesën e tyre për azil. Aq më tepër, për t’i dërguar në Shqipëri, një vend që nuk është as vendi i origjinës, as destinacioni i tyre final dhe as vend tranzit në rrugën drejt BE.

Reagimi

Bashkimi Europian ka reaguar, duke thënë se ligjet e brendshme të unionit, por edhe ato ndërkombëtare, nuk e lejojnë aplikimin e një marrëveshjeje të tillë. E vetmja mënyrë që 20 emigrantët të dërgohen nga Italia në Tiranë, është që ata vetë të shfaqin vullnetin e tyre të lirë për të shkuar në Shqipëri. Në të kundërt, një vend i unionit nuk mund t’i dërgojë emigrantët në një vend të tretë, pa shqyrtuar më parë kërkesën e tyre për azil.

Aq më tepër, për t’i dërguar në Shqipëri, një vend që nuk është as vendi i origjinës, as destinacioni i tyre final dhe as vend tranzit në rrugën e tyre drejt BE-së.

“Për të dërguar emigrantët në Shqipëri, siç parashihet me marrëveshjen e arritur midis qeverisë së Romës dhe asaj të Tiranës, në rastin e personave të mbetur në anijen “Diciotti”, Italia duhet të marrë pëlqimin e vetë personave më përpara”, tha zëdhënësja e BE-së, Natasha Bertaud. “Dërgimi i azilkërkuesit në një vend të tretë, pa e vlerësuar kërkesën për azil, përbën refuzim dhe nuk lejohet as nga BE dhe as nga e drejta ndërkombëtare”,- theksoi Bertaud.

Vendimi

Qeveria shqiptare vendosi  më 25 gusht të marrë 20 refugjatë nga Lindja e Mesme, të cilët qëndronin të bllokuar në anijen Diciotti, për më shumë se 5 ditë. Vendimi i qeverisë shqiptare u përshëndet nga qeveria italiane dhe hapi një valë debati lidhur me pranimin ose jo të refugjatëve.

Italia po përballet prej disa muajsh me krizën e refugjatëve, ndërkohë që prokuroria italiane po heton për ministrin e Brendshëm, Matteo Salvini, pas bllokimit të 150 refugjatëve të anijes Diciotti. E ndërkohë që BE është kundër marrjes së emigrantëve qeveria shqiptare nëpërmjet Ministrisë së Brendshme është duke organizuar të gjithë planin e pritjes së tyre.

Itali, emigrantët në qendrat e pritjes

Në Itali, autobusët me rreth 100 refugjatë dhe emigrantë të zbarkuar të dielën nga anija e rojës bregdetare “Diciotti” pas një bllokimi prej dhjetë ditësh, arritën në qendrën e pritjes të Kishës Katolike në Rocca di Papa. Në qendrën pritëse kishin dalë si mbështetës të emigrantëve ashtu edhe protestues nga ekstremi i djathtë.

Peshkopët katolikë, Shqipëria dhe Irlanda kanë rënë dakord të marrin të 140 emigrantët e bllokuar në anijen Diciotti, shumica e të cilëve janë nga Eritrea.

Pesëdhjetë të tjerë nga të 190 personat e shpëtuar në det më 16 gusht nga roja bregdetare italiane u lejuan më parë të dalin nga anija, duke përfshirë të gjithë të miturit dhe të rriturit me probleme shëndetësore.

Shkruar Nga
More from Redaksia

Punësuan pa të drejtë refugjatët kosovarë, shpallen të pafajshëm pronarët e hotelit

Dy punëdhënës, pronarë firmash, u kanë mundësuar dy azilkërkuesve kosovarë ndjekjen e kualifikimit...
Read More