Rama e ka me Bashën: Po pengon hapjen e negociatave


Kryeministri shqiptar, Edi Rama, thotë se vendi i tij nuk është më kryeqyteti i kanabisit në Europë.

Por në një letër drejtuar liderëve të Bashkimit Europian, Rama thotë se akoma mbetet shumë për të bërë në betejën kundër krimeve të lidhura me drogën.

Kështu shkruan gazetari Martin Banks i EuReporter, një portal me qendër në Bruksel.

Sipas tij, letra e Ramës vjen në prag të një samiti në Bruksel gjatë muajit që vjen.

Në këtë samit, liderët e BE pritet të japin një vlerësim për progresin që ka bërë Shqipëria në plotësimin e kritereve të anëtarësimit në BE.

Shkrimi i Banks vlerëson ndjeshëm përpjekjet e qeverisë për të vënë nën kontroll kanabisin në vend.

Sipas të dhënave, pas një dekade kultivimi të pakontrolluar në Shqipëri, tashmë situata e kanabisit është nën kontroll.

Bie në sy se një burim pranë zyrës së kryeministrit ka folur për gazetarin Banks.

Burimi sulmon Lulzim Bashën, kreun e Partisë Demokratike në opozitë, duke thënë se po drejton një fushatë diskreditimi të përpjekjeve anti-drogë të qeverisë.

“Basha është akuzuar se ka shmangur diskutimet për eliminimin efektiv të kultivimit të kanabisit,”shkruan gazetari.

“Burimi tha se ‘media e Bashës po bën përpjekje për të diskredituar përpjekjet tona, çka mund të vendosë në rrezik hapjen e negociatave me BE-në. Ai po përpiqet që të mbulojë rolin e ish-qeverisë së tij në lejimin e zhvillimit të këtij problemi në vend të parë’”.

Shkruar Nga
More from Redaksia

Përfundon kontrolli, çfarë morën hetuesit në shtëpinë e Tahirit?

Oficerët e policisë gjyqësore kanë zbarkuar në banesën e Saimir Tahirit ditën...
Read More