Rama: Ministrat e rinj nuk do t’i dorëzojnë mandatet e deputetit

Ndryshe nga 4 vjet më parë, në mandatin e dytë Rama nuk do t’i kërkojë ministrave të rinj të mos mbajnë mandatin e deputetëve.

Burimet nga selia roze thonë për ‘News 24’ dhe se një procedurë e tillë nuk është në parashikimet e kryeministrit Rama.

Kjo shuan shpresat e disa emrave të njohur socialistë, që mbetën poshtë ‘vijës së kuqe’ në zgjedhjet e 25 qershorit.

Kështu nuk do të mund të hyjë dot në parlament ish-ministrja Milena Harito, kreu i FRESH Eljo Hysko, apo edhe deputeti i dyzuar mes LSI e PS Spartak Braho, që dje ishte i pranishëm në asamblenë e PS-së.

Procedura e lëshimit të mandatit 4 vite më parë u përdor për të futur në listë emra socialistësh, që nuk kapën dot pragun e votave, kur në mes ishte edhe LSI.

Por këtë radhe, gjërat janë ndryshe. Rama e ka vetë timonin, dhe në qeveri e parlament, mesa duket ka njerëzit që i duhen, çka e bën të panevojshëm zëvendësimin e tyre në Kuvend.

 

Shkruar Nga
More from Redaksia

SHBA/ Guvernatori lëshon alarmin: Po vjen një fatkeqësi e madhe

Greg Abbott, Guvernatori i Teksasit është shprehur se Teksasi po bëballet me...
Read More

Leave a Reply

Your email address will not be published.